amalinks wokungena

Breaking News

UMugabe Kasoze Abotshelwe Amacala Akhe


Osanda phuma esikhundleni sikaMongameli welizwe uMnu Robert Mugabe uthenjiswe libutho ukuthi kasoze etheswe amacala awadalayo ngesikhathi esembusweni.

Iziphathamandla zebutho lezebandla leZanu PF zithi uMugabe uvume ukusuka esihlalweni ngemva kokuthenjiswa njalo libutho ukuthi umkakhe uGrace lemuli yabo kabasoze babotshwe.

Abantu beMatabeleland leMidlands bathi bafuna uMugabe abotshwe ngecala lokubulala abantu abedlula inkulungwane ezimbili ngesikhathi sombuqazwe weGukurahundi.

Isiphathamandla seZanu PF uMnu Patrick Chinamasa wethule amazwe emkhosini wokutshengisela ngoMgqibelo ukuthi bafuna umkaMugabe ebotshwe ngoba elamacala amanengi awadalayo.

UGrace Mugabe ngumuntu ozondwa kakhulu ngabantu abanengi elizweni ngoba ubethuka yiloba ngubani elengisa lamadoda alenwele ezimhlophe agoqela uMnu Emmerson Mnangagwa.

Ubikwa elezindlu ezidulayo kanye lezimota okunakanelwa ukuthi wazithenga ngemali ayihuquluzayo.

Facebook Forum

XS
SM
MD
LG