amalinks wokungena

Breaking News

'UMugabe Kumele Abanjwe Ngamacala eGukurahundi Engakafi'


Umkhokheli wabalwa impi yenkululeko abasekela ibandla leZanu PF uMnu Victor Matemadanda uthi uMnu Robert Mugabe kumele athonisiswe phezu kwamacala ombhuqazwe weGukurahundi engakafi.

Egcizelela amazwi awethule koBulawayo ngoMgqibelo, uMatemadanda utshele iStudio 7 ukuthi uMugabe kumele amiswe phambi kwenkundla achasise ukuthi kungani waphatheka kulesi siga.

Uthi lokhu kumele kwenziwe uMugabe esaphila ngoba nguye ingqungquthela yalumbuqazwe, wona owabulala abantu abazinkulungwane ezingamatshumi amabili eMatabeleland leMidlands.

Umonakalo lo wabangelwa libutho likaMugabe eleFifth Brigade lisithi lidinga abahlamuki. Kodwa abanengi ababulawayo babengabantu makhaza njalo bengabeSiNdebeleni.

UMatemadanda uthi uMongameli Emmerson Mnangagwa labakhokheli bebutho abaphatheka kulesi siga kabalacala ngoba konke abakwenzayo babethunywa nguMugabe.

Kodwa ingcwethi kwezombusazwe uMnu Dinizulu Macaphulana uthi lanxa evumelana loMatemadanda kudaba lokuthonisiswa kukaMugabe, kavumelani laye ekuthini uMnangagwa akala cala.

please wait

No media source currently available

0:00 0:02:59 0:00

Facebook Forum

XS
SM
MD
LG