amalinks wokungena

Breaking News

UMugabe Uthula Zwi Ngokutshiya Umsebenzi Ngesikhathi Ekhuluma Lozulu


UMugabe wethula umbiko wakhe kumabonakude weZBC.

UMongameli Robert Mugabe kasethulanga umbiko wokutshiya umsebenzi njengalokho obekulindelwe nguzulu ngoSonto.

UMugabe okhulume kumabonakude weZimbabwe Broadcasting Corporation ehonqozelwe libutho lezinye iziphathamandla zikahulumende kakhulumanga ngokwethulwe lidale lebandla lakhe ele Zanu PF elithe sokumele atshiye umsebenzi kumbe amelele ukususwa ngamalunga edale lephalamende.

Esethula umbiko wakhe, uMugabe uthe uyananzelela ukukhalakhala kwebutho, amalunga ebandla lakhe lozulu othi ilizwe aliphathwanga ngemfanelo njalo lokuxotshwa kwabanye abantu abacatshangelwa ukuthi basekela uMnu. Emmerson Mnangagwa osanda kuxotshwa umsebenzi.

Uthe lokhu kuzalungiswa emhlanganweni weExra Ordinary Congress ozakwenziwa ngoLwezi lapho azabe engumgcinisihlalo wawo.

Uphinde wathi konke okuniwa ngomlomo kulungiswa ngawo njalo umlomo kulokuthi kubelokuxabana.

UMugabe ukhanya engazimiselanga ukutshiya umsebenzi lobanje ibutho limthwalise nzima.

Ibandla lakhe selimxotshile lafaka uMnu. Emmerson Mangangwa esikhundleni sakhe.

Facebook Forum

XS
SM
MD
LG