amalinks wokungena

Breaking News

UZulu Uchothoza uMugabe Uhamba Emhlanganweni weU.N Labantu Abanengi Okumangalisayo


President Robert Mugabe

Izizalwane zeZimbabwe seziveze insolo yazo ngohambo lukaMongameli Robert Mugabe ozakhokhela iqula labantu abangamatshumi ayisikhombisa eliya emhlanganweni omkhulu wenkokheli zamazwe womhlaba oweUnited Nations General Assembly kwele Melika.

UMugabe uhamba lomkakhe, abantwana bonke, umkhwenyana, umzukulu kanye labanye abakuqula leli abagoqela abagcine ezomthetho labazamendlalela indlela.

Wenza lokhu ngesikhathi abanye abalandeli bebandla le Zanu PF bafakelwa izijeziso zomnotho ngamazwe asentshonalanga abethesa uMugabe lenkokheli yebandla lakhe amacala okwephula ilungelo loluntu lokwehluleka ukuqhuba ukhetho olubalulekileyo.

Abakuqula likaMugabe bazabe bethola inkulungwane lengxenye zamadola ngelanga umuntu munye ngamunye ngelanga. Lokhu kubikwa ukuthi kugoqela abantwana bakhe.

Uhambo lolu lukhangelele ukuba lendleko yezigidi ezilitshumi zamadola - US$10 million kungabalwa izigidi ezintathu zamadola zokunqabela ingozi ayitholayo nxa ephuma ezweni.

Abantu abadinga imali kwelinye ibhanga eHarare.
Abantu abadinga imali kwelinye ibhanga eHarare.

Izibhedlela azilamithi, intengo yokudla iqansa malanga wonke, inani labantu abathengisayo selisedlula abathengayo.

Omunye wabachothoza lokhu nguNkosikazi Zandile Sifelani, othe uMugabe ngumuntu ongelazwelo njalo kafanelanga ukubusa.

Olwela amalungelo oluntu, uMnu. Thomas Sithole, uthe lokhu kutshengisa ukuthi umongameli kaboni umumo oselizweni lapho abantu abalala khona phandle kwamabhanga bedinga imali ayitshaphazayo.

Ohlaziya ezombangazwe, uMnu. Nkululeko Tshuma, uvumelane loSithole esithi balokudana ngokutshaphazwa komnotho welizwe abantwana belamba bengayi ezikolo kodwa kubelemali edlaliswayo iphiwa imuli kaMugabe.

Isakhamuzi sakoBulawayo, uMnu. Andrew Nyoni, uthe okunje akuvumakali ngoba ilizwe limikubi kwezomnotho.

Okwamanje iZimbabwe ayilamali engeyalo. Abantu basebenzisa amabond notes, imali zamanye amazwe ezibalisa idola leMelika, iPula leBotswana leRand leSouth Africa.

UMugabe Uhamba eUnited Nations Lomkakhe, Abantwana Labanye Abantu Abanengi
please wait

No media source currently available

0:00 0:04:37 0:00

Facebook Forum

XS
SM
MD
LG