amalinks wokungena

Breaking News

UMutsvangwa Uhlokoze Ulonyovu Ngodaba lweGukurahundi


Umcebisi kaMongameli Emmerson Mnangagwa, uMnu. Christopher Mutsvangwa, secunule uzulu weMidlands leMatabeleland ngamazwi okuthi udaba lweGukurahundi akumelanga kukhulunywe ngalo ngoba lusehlukanisa ilizwe.

UMnangagwa ngomunye weziphathamandla zeZanu PF ezetheswa icala lokuphatheka kulumbhuqazwe, wona owabulala abantu abedlula inkulungwane ezingamatshumi amabili, 20,000.

Ekhuluma lomsakazo weAl-Jazeera, uMutsvangwa uthe uzulu kumele ekhohlwe ngaloludaba egxile endimeni yokuthuthukisa ilizwe leZimbabwe.

Kodwa abanengi, ikakhulu abalwela amalungelo oluntu kanye labalahlekelwa yizihlobo labangane, kabavumelani loMutsvangwa.

Owake waba ngumphathintambo wogatsha lokukhumisana umlotha olweNational Healing njalo owalwa impi yenkululeko ekuviyo leZipra, uMnu. Moses Mzila Ndlovu, uthe uMutsvangwa uyaphambanisa.

Wengeze wathi akula ngenye indlela uzulu weZimbabwe angaqhubekela phambili ngayo lungalungisiswanga loludaba.

please wait

No media source currently available

0:00 0:02:37 0:00

Facebook Forum

XS
SM
MD
LG