amalinks wokungena

Breaking News

UMwonzora Uqhubeka Exotsha Amakhansila


Osanda kukhethwa ukuba ngumkhokheli weMDC-T, umnumzana Douglas Mwonzora
Osanda kukhethwa ukuba ngumkhokheli weMDC-T, umnumzana Douglas Mwonzora

Umkhokheli welinye lamacele aweMDC-T, uMnu Douglas Mwonzora uthi ibandla lakhe lizaqhubeka lixotsha amakhansila aphatheka kumkhuba wenkohlakalo.

UMwonzora uthi njalo ibandla lakhe selicabange ukukhankasela ukuba ilizwe libe labo Meya abalamandla amanengi, amaExectuive Mayor.

Ekhuluma lentathelizindaba ngoLwesibili esigodlweni se MDC-T, ese Morgan Tsvangirai House, eHarare, uMwonzora uthe ibandla lakhe kalisoze libuyele emuva ngokuxotsha amakhansila aphatheka kunkohlakalo.

“Nxa singabuyela emuva, ngesikhathi uMongameli Tsvangirai esakhokhelela sakhipha amakhansila onke awe Chitungwiza. Ngoba yiyo indlela esibona ngayo inkohlakalo, kodwa uhulumende nguye olomlandu wokubopha abantu”

UMwonzora uthe ibandla le MDC-T lizakhuthaza ukuba uhulumende aphendukise oMeya abalamandla- loba ama executive Mayor okuzakwenza ibandla lakhe lenelise ukubusa abadolobho. Ukubeke sobala ukuthi ukuxotshwa kwalabo abaphatheka kunkohlakalo kakulani lokudonselana abalakho labeMDC Alliance.

Uqhubeke ethi ibandla lakhe lifuna ukukhulumisana leZANU PF ukuze umsebenzi wombuso omuhle wamadolobho lulungisiswe.

Abe ZANU PF bona bathi abalankinga lokusebenzelana labeMDC-T, kutsho iskhulumeli sebandla leli uMnu. Tafadzwa Mugwadi.

“Singakakwenzi lokhu, ibandla lizahlala phansi libone ukuba baqinisile na. Esikwaziyo yikuthi amakhansili e MDC aseyehlulekili ukubusa, balenkohlakalo njalo ukungazi umsebenzi. UMongameli uthi lokhu kumele kume. Ibandla lenkokheli yalo lifuna kube lenkokheli eqotho”

Abe MDC Alliance bona bathi uMwonzora akala lungelo lokutshela amakhansila abo okokwenza.

“Thina okukaMwonzora asikhulumi ngakho . uMwonzora kasimkhangeli.Abantu esilwa labo nagbe ZANU PF yibo abale bhola. Siyakwazi ukuthi usebenzela abangane bakhe, asithanda ukuchitha isikhathi sethu uMwonzora asilani laye”

Amakhansila abangisanwa ngamabandla womabili iMDC-T le MDC Alliance, angamatshumi phose amathathu-28 phakathi kwangamatshumi amathathu lambili-32 abumba ikhansili.

Amakhansili lawa aseyehlule ukuletha inguquko ngenxa yenkohlakalo, ukulwisana kwamabandla womabili, ukungenela kukahulumende lesimo somnotho welizwe.

UMwonzora uthi njengebandla elaphiwa imvumo ngumthethwandaba waphezulu, ukuba likhokhele amakhansila lamalunga edale lephalamende bazaqhubeka bekhokhela njalo bexotsha labo abalandela iMDC-Alliance ekhokhelwa nguMnu. Nelson Chamisa.

Udaba lwabeMDC-T bekhuluma ngenkohlakalo yamakhansila siluphiwa nguMlondolozi Ndlovu
please wait

No media source currently available

0:00 0:03:43 0:00
XS
SM
MD
LG