amalinks wokungena

Breaking News

UMnu. Ungcwatshwe Kuhle Lobanje Kuke Kwaba Lodlakela


Abasekeli beMDC-T bengcwaba umkhokheli wabo uMnu Morgan Tsvangirai eBuhera

Umsebenzi wokungcwatshwa kwakhe uhambe kuhle nomanje kuke kwaba lokuxokozela kokuxotshwa komunye wabasekeli bakhe uDr. Thokozani Khuphe lonobhala jikelele webandla uMnu. Douglas Mwonzora labanye ngabasekeli bebandla.

Umngcwabo kobengumongameli weMDC-T uMnu. Morgan Tsvangirai uqhubeke kuhle lomanje bekulokuxokozela okuthize kanye lokuphoselana aqatha.

Umuyi ubekiwe emzini lapho adabuka khona lobanje uzulu weMaNdebeleni esola inkulumo lezehlakalo ezibe khona esililweni lesi.

Unobhala jikelele wenhlanganiso elwela amalungelo oluntu eye Ibhesthu LikaZulu, uMnunzana Mbuso Fuzwayo upha umbono wakhe ngalumngcwabo.

Okhangelele ukumela isigaba seBulawayo South, kukhetho olulandelayo, uMnunzana Mzaca Josphat Ngulube uthi kuyadanisa ukuba ibelokuxokozela emngcwabeni kaTsvangirai lokuxotshwa kukaNkosazana Thokozani Khuphe akubaphathanga kuhle.

ISikhulumeli zeZAPU, uMnu. Iphithule Maphose laye usole ukuxokozela okubekhona emngcwabeni kobengumkhokheli weMDC-T ethi kulihlazo.

UNkosikazi Abigail Muphambi, olwela amalungelo oluntu uthe yebo uTsvangirai ubekiwe laloba labo abatshiye emuva akade ebakhokhela badanisile kakhulu ngoba sekudale ukuxabana emulini lebandleni. Ethi UMsekeli kaMongameli weMRP, uNkosikazi Presia Ngulube uthe okwenzakale emfeni kamuyi uTsvangirai sekuveze okunengi kanye lenkethabetshabi ekhona kubandla leMDC-T.

Ukuxokozela esililweni sobengumkhokheli weMDC-T kutshiye abantu bedabukile njalo lokhu ukungezwani lokufuthelana kukhangelele ukuqhubekela phambili ebandleni lasemulini.

please wait

No media source currently available

0:00 0:05:16 0:00

Facebook Forum

XS
SM
MD
LG