amalinks wokungena

Breaking News

United Nations: Ilizwe leZimbabwe Lephula Amalungelo Kazulu Lisenza Engani Lilwisana leCOVID-19


UMnu. Hopewell Chin'ono lomkhokheli webandla leTransform Zimbabwe, uMnu. Jacob Ngarivhume
UMnu. Hopewell Chin'ono lomkhokheli webandla leTransform Zimbabwe, uMnu. Jacob Ngarivhume

Inhlanganiso yamazwe wonke jikelele eyeUnited Nations High Commission for Human Rights ithi ikhathazekile ngokwenziwa nguhulumende wakwele Zimbabwe okukhanya engani wephula amalungelo kazulu esithi uvimba ukumemetheka komkhuhlane weCOVID-19.

Inhlanganiso le, eyethule umbiko lo namuhla eHarare, ithi ukubotshwa kwentathelizindaba uHopewell Chin’ono, osanda kuveza ukungethembeki okuthiwa kwenziwa yiziphathamandla zikahulumende ekuthengeni impahla yokulwisana leCOVID-19, kutshengisa ukuthi uhulumende wephula amalungelo kazulu.

Ithi ukubotshwa kuka Mnu. Jacob Ngarivhume, oqoqa ukutshengisela okumele kwenziwe nguzulu ngeviki ezayo, kuveza ukuba uhulumende ulwisana labaphikisa ibandla elibusayo.

Ithi kulilungelo labantu bekwele Zimbabwe ukuthi batshengisele njengalokhu okumunyethwe yisisekelo sombuso welizwe.

Ilizwe leMelika lalo lithi likhathazekile ngokwenzakala eZimbabwe. Kulamanye njalo amazwe athi eleZimbabwe kumele lingephuli ilungelo likazulu njalo lingabophi intathelizindaba labaphikisa uhulumende.

XS
SM
MD
LG