amalinks wokungena

Breaking News

UBiden Ulakho Na Ukuguqula Ezombangazwe eZimbabwe?


biden
biden

Kulabanye abantu abafisa ukuba uMongameli Joseph Biden wakwele Melika ancedise ukuguqula isimo sezombusazwe eZimbabwe okulozulu okhonona ngokwephulwa kwamalungelo oluntu nguhulumende kaMongameli Emmerson Mnangagwa.

Bakhona njalo abathi akulalutho oluzaguquka kulandela ukungena kuka Biden esikhundleni sikamongameli lomsekeli wakhe, uNkosikazi Kamala Harris.

Okwamanje uBiden useguqule eminye imithetho eyayifakwe nguhulumende kaMnu. Donald Trump, okugoqela abantu bokuza, ukudlelana lamanye amazwe lokunye.

UMnu. Joseph Tshuma webandla leZanu PF ngomunye othandabuza ukuba uBiden uzakwenza okwehlukane lalokhu obekusenziwa nguTrump eZimbabwe.

UMnu. Thandeko Zinti Mnkandla ukhangelele ukuthi uBiden uzazama ukuncedisa abafisa ukuthi kube lombuso obalulekileyo eZimbabwe.

UMnu. Innocent Ndibali, owebandla leEconomic Freedom Fighters Zimbabwe, uthi kumele ilizwe leMelika lesule izijeziso zenotho elazifakela inkokheli yebandla leZanu PF.

Ilizwe leMelika lethesa inkokheli yebandla leli izijeziso zenotho lisithi bephula amalungelo kazulu njalo liyehluleka ukuqhuba ukhetho ngemfanelo.

XS
SM
MD
LG