amalinks wokungena

Breaking News

Kuvinjwa Amalunga Edale leCongress Ukuthi Bethekelele Kwele Israel


FILE - UIlhan Omar loRashida Tlaib.(AP Photo/J. Scott Applewhite, File)

Ilizwe leIsrael selivimbe amalunga edale leCongress akubandla lama Democrats ukuthi bangethekeleli ilizwe leli ngenxa yokuthi bahlala belichothoza.

Lokhu kulandela okwethulwe nguMongameli Donald Trump othi uIIhal Omar LoRashida Tlaib akumelanga bangene elizweni lelo.

Ababili laba bekumele bethekelele ilizwe leIsrael lamadolobho ambalwa eWest Bank.

Isikhulumeli sakwele Israel sithi sizabavimba ukuthi bangangeni elizweli leli.

Usomlomo wedale leHouse of Representatives, uNkosikazi Nancy Pelosi, uthi okwenziwe nguTrump kuveza inzondo emangalisayo njalo lokungahloniphi amalunga edale leCongress akhethwa nguzulu.

U-Omar uthi kumele angavinjwa ngumuntu ukuthi ethekelele amazwe atshiyeneyo lapho ahlolisisa okunengi.

Ababili laba basanda kuthethiswa nguTrump owathi kabalithandi ilizwe leIsrael njalo babedlelana lamalwecatsha kwele Palastine.

Facebook Forum

XS
SM
MD
LG