amalinks wokungena

Breaking News

Sokuzalele Ingwe Edale leCongress eMelika Okulabanye Abafuna Ukugcoba uTrump Ukuba Ngumongameli


FILE: Izisebenzi zedale leCongress zicatshela abalandeli baka Mnu. Donald Trump abangena ngenkani eCapitol Hill ngoZibandlela lonyaka befuna kumiswe ukubalwa kwama electoral votes.

Eyinye ingxenye yedale leCongress ivalwe ngci ngoLwesine kulandela imibiko ethi abanye abalandeli bowayengumongameli, uMnu. Donald Trump, bafuna ukuhlasela idale leli besithi uTrump kumele agcotshwe ukuba ngumongameli omutsha.

Abezomvikela bathi abalandeli baka Trump, owanqotshwa nguMongameli Joseph Biden kukhetho olwenziwe nyakenye kodwa waphikisa impumela yalo, bebesithi uTrump uzagcotshwa namuhla njengalokhu okwakusenziwa kudala usuku lokugcoba umongameli lungakabi ngumhlaka 20 Zibandlela.

Kwaphela ngomnyaka ka1933 ukugcotshwa kuka mongameli mhlaba 4 Mbimbitho. Namuhla kwengezwe amasotsha labanye abezomvikela phakathi laphandle kwedale leCongress.

Idale leHouse of Representatives livalwe gci kusenzelwa ukuvikela amalunga alo. Kodwa idale leSenate liqhubekela phambili ngomsebenzi.

Omunye wabalandeli baka Trump, uMnu. Sikhumbuzo Mlalazi, uthi lokhu bezondile abasekela uTrump abacabanga ukuthi waqilwa kukhetho olwenziwa ngoLwezi nyakenye.

UMlalazi uthi akwenzakali ukuba uTrump angene esikhundleni sikamongameli njengoba uBiden wagcotshwa mhlaka 20 Zibandlela.

UMnu. Busani Mbuso Ntini, olandela ezombusazwe, uthi kuyamangalisa okwenziwa ngabanye abalandeli baka Trump.

UNtini uthi uTrump nguye ongavimba okwenziwa ngabalandeli bakhe. Uthi loba kulokuxokozela eMelika lokhu kulombuso obalulekileyo elizweni leli.

Kulabalandeli baka Trump abafika phose amakhulu amathathu – 300 asebebotshiwe kulandela ukungena kwabo ngenkani edale leCongress ngoZibandlela lonyaka ngesikhathi kubalwa ama electoral votes. UTrump lokhu esithi waqilwa kukhetho olwenziwa nyakenye loba kungela bufakazi obuveza lokhu.

Udaba Esilethulelwe NguGibbs Dube
please wait

No media source currently available

0:00 0:03:26 0:00


Facebook Forum

XS
SM
MD
LG