amalinks wokungena

UNkosana Moyo Ungena Kukhetho Lomnyaka ka2018 Lokudinga Umongameli

  • Gibbs Dube
  • Mavis Gama

FILE: UDr. Nkosana Moyo loMnu. Gorden Moyo besethulela uzulu abalakho emhlanganweni ekolitshini leNational University of Science and Technology.

UDr. Nkosana Moyo, owayeyisiphathamandla kuhulumende kaMongameli Robert Mugabe uthi uzancintisa kukhetho lokudinga umongameli ngomnyaka ka2018.

UMoyo utshele intathelizindaba eHarare lamuhla ukuthi uzancintisa engaphansi kwebandla elitsha lezombusazwe elibizwa ngokuthi yi- Alliance for the People's Agenda.

UMoyo, owaphuma ecaphukile kuhulumende kaMugabe ngomnyaka ka2001 esithi uyehluleka ukusebenza ngemfanelo, uthi kasoze amanyane lamanye amabandla aphikisayo ukwenzela ukukhupha ibandla leZanu PF embusweni.

Ukhuthaze uzulu ukuthi kumele awuhluzisise lowo manyano ukuba ujongeni hatshi ukulandela nje.

Uqhubeke esithi uMongameli Mugabe kumele asuke embusweni ngoba seyidlalile eyake indima, adedele abanje ngaye.

Omunye wabakade bekulomkhosi lo, ongomunye wabalwa impi yenkululeko, nguMnu. Max Mkandla. UMkandla oze evelela koBulawayo.

Utshengise ukulijabulela inyathelo elithethwe nguMoyo. Lokhu kusekelwe nguMnu. Luka Ncube obevela eHwange.

LoMnu. Lovemore Fuyana ozalwa eMaphaneni eKezi, ohlala eGoli okwamanje, uthi liyancomeka lelinyathelo elithethwe nguMoyo.

UDr. Nkosana Moyo, watshiya isikhundla sokuba ngumphathintambo, kuhulumende kamongameli Robert Mugabe ngomnyaka ka 2001, ngoba wayengavumelani lendlela kwakumele aqhube ngayo umsebenzi wakhe.

Facebook Forum

XS
SM
MD
LG