amalinks wokungena

Breaking News

UTafadzwa Jaricha Uthola Isicoco Sika Miss Tourism Zimbabwe 2018


UMcimbi wokudinga isiqamulamayezi, intomb’enhle ukwedlula ezinye okaMiss Tourism Zimbabwe uqhutshwe kakuhle edolobheni lakoBulawayo ngoMgqibelo owedluleyo isicoco lesi sitholwa nguNkosazana Tafadzwa Jaricha oliqgwetha odabuka esigabeni seManicaland.

Bekungabizwa ozwayo edolobheni lakoBulawayo ngoMgqibelo emkhosini wokukhetha intomb’enhle ukwedlula ezinye isiqamulamayezi, esinguMiss Tourism Zimbabwe lapho uNkosazana Tafadwza Jaricha oleminyaka engamatshumi ababili lantathu yokuzalwa onguye onqobe amanye amantombazana angamatshumi amabili aakade efuna lesi sicoco esiba yindlovukazi kaMiss Tourism Zimbabwe.

UJaricha uthole lesi sicoco esiza lomvuzo wenkulungwane ezilitshumi zamadola -$10 000, imota ye Mercedes Benz C Class, athole letikiti lendizamtshina lokuya kumcimbi kaMiss World Tourism ehlawulelwa yinkampani yeUnited Refineries lokunye.

Abanye abalandele uJarica ekunqobeni kulo umcimbi nguNkosazana Natalie Magondo odabuka eMashonaland East obelitshatshazi lakuqala oleminyaka engamatshumi amabili lambili yokuzalwa. Kuthi isicoco setshatshazi lesibili sitholwe nguNkosazana Life Matunzeni oleminyaka engamatshumi amabili lambili yokuzalwa . Amatshatshazi womabili asuke kulumcimbo ethwele imivuzo egoqela inkulungwane ezinhlanu zamadola-$5 000 ngamunye.

Kumcimbi ofanayo uNkosazana Michelle Nyika osuka eHarare uthole isicoco sokuba nguMiss Personality, kuthi loNkosazana Maita kaina osuka eHarare wathola esika Miss Talent.

UMnu Lewis Mhlanga ubuke uMcimbi weMiss Tourism Zimbabwe walonyaka kodwa wasola ukuphuza kokuqala kwawo.

“Umcimbi ubumuhke sibili njalo leNkosazana uJaricha oligqwetha osuka eManicaland nguye onqobileyo lobanye behuze ukuqala kumele bakulungise lokho kusasa”

UNkosikazi Jacqueline Ndlovu obe khona kulumcimbi uthi bekukuhle ejabulela kakhulu ingoma ebezitshaywa lapho.

“Bekugidwa kukuhle kulo umcimbi ngoba batshaye ingoma ezenze sagida kwabakuhle. Ethi impumela layo iphume kuhle njalo onqobileyo ebekhupha isilungu ngamakhala”

UMnu. Simion Sibanda isakhamuzi sako Bulawayo uthi umcimbi ubumuhle kodwa wasola okuthile okugoqela imali yokungena ebiphezulu.

“Umcimbi ubuhleliwe kodwa lapho oqhutshelwe khona bekungabukeki, uphuzile ukuphela ngoba uphuze ukuqala lentengo yokungena ibiphezulu kubeyisikhubekiso kwabanye..”

Umphathintambo wedolobho lakoBulawayo, uNkosikazi Judith Ncube nguye obengumhlonitshwa kulumcimbi.

UNkosikazi Sarah Mpofu-Sibanda olesicence sokuqoqa umcimbi kaMiss Tourism Zimbabwe uthi umcimbi walonyaka uphumelele okwamagama esithi ulethemba lokuba uNksazana Jaricha uzakaphamisa iflag ye Zimbabwe ngokugcweleyo lapho eqhuba umsebenzi wakhe umnyaka wonke.

please wait

No media source currently available

0:00 0:04:59 0:00

Facebook Forum

XS
SM
MD
LG