amalinks wokungena

Breaking News

UNkosikazi Makarau Utshiya Umsebenzi Wokukhokhela iZEC


Obengumgcinisihlalo wekomishini ebona ngokuqhutshwa kokhetho, uNkosikazi Rita Makarau setshiye umsebenzi.

Iphephandaba elizimeleyo eleThe Independent yilo eliqale ukubika ngaloludaba.

UMakarawu usuka ngesikhathi iZimbabwe Electoral Commission iphakathi kokubhalisa abantu abazavota kukhetho lomnyaka ozayo.

Umphathintambo wezemithetho uMnu Kazembe Kazembe ufakazele umsakazo weStudio 7 ukuthi ngempela uMakarau utshiye umsebenzi.

UMakarau ubebonwa njengomuntu obesekela kakhulu umbuso kaMnu Robert Mugabe.

Lanxa izizatho zokutshiya kwakhe umsebenzi zingakacaci, kunakanelwa ukuthi engaba ebanjwe ngamandla yiziphathamandla zikahulumende omutsha ukuthi esuke ngoba ebelobudlelwano loMugabe esabusa.

Abanye bathi engaba ezitshiyele umsebenzi ngoba engavumelani lohulumende kaMnangagwa, nanku ubengumuntu kaMugabe.

XS
SM
MD
LG