Unobhala Jikelele weUN Uzakhuluma Emhlanganweni kaBiden oweDemocracy

UMongameli weMelika uMnu Joe Biden namuhla uzagqiba umhlangano wakhe wokukhuthaza umbuso okhululekileyo emhlabeni jikelele oweSummit for Democracy.

Umhlangano lo usungulwe ngoLwesine njalo ungenwe zinkokheli zamazwe edlula ikhulu kanye leziphathamandla zenhlanganiso ezizimeleyo.

UMongameli Emmerson Mnangagwa kanxuswanga.

Unobhala jikelele weUnited Nations uMnu Antonio Guterres laye uzakhuluma emhlanganweni lo ngoLwesihlanu, wona owenzelwa ebulenjini ngenkundla zabomabonakude.

Evula umhlangalo lo, uBiden ukhuthaze abakhokheli bamazwe ukuthi balondoloze umbuso wentando kazulu, i-democracy njalo bengaze bavumela umbuso woncidezelo, i-dictatorship.

Wengeze wathi laseMelika kunengi okumele kwenziwe ukuze kulondolozwe umbuso okhululekileyo.

Amazwi kaMongameli Biden agcizelelwe ngumsekeli wakhe, uNkosikazi Kamala Harris, egqiba lumhlangano ngosuku lwakuqala; kubike kukaGibbs Dube weStudio 7.

Embed share

Udaba Siluphiwa nguGibbs Dube

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:04:22 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala