UPius Jamba okubandla leZanu PF usetholakale elecala lokubulala uNkosikazi Moreblessing Ali owebandla leCitizens Coalition for Change (CCC).
Umahluleli kuloludaba uNkosikazi Ester Muremba uthi kulobufakazi obusegcekeni obuveza ukuthi wadala lelicala.
Isidumbu sika Nkosikazi Ali esacuywa nguJamba saphoselwa emgodini wamanzi sesilesikhathi sike Chitungwiza Mortuary.
Igqwetha lomufi uMnu. Job Sikhala owebandla leCCC uselesikhathi eside evalelwe eChikurubi Maximum Security Prison.
Wetheswa icala lokutshotshozela udlakela kulandela ukubulawa kuka Nkosikazi Ali.
Kusenjalo, amapholisa asekhuphe umbiko othi asaphenya udaba lokubulawa kuka Mfundisi Tapfumanei Masaya oweCCC, owathunjwa wabulawa ngabacatshangelwa ukuba badlelana lohulumende kaMongameli Emmerson Mnangagwa.
IStudio7 ixoxe loMnu Effie Dlela Ncube, ingcwethi kwezombusazwe njalo olwela amalungelo abathengi ephansi kwenhlanganiso yeNational Consumer Rights Association, othi kuyadanisa okwenzakala kwele Zimbabwe.
Forum