amalinks wokungena

Breaking News

USkhwicamfundo Levi Nyagura Umiswa Phambi Komthethwandaba


Owakewaba nguVice Chancellor wekholitshini eleUniversity of Zimbabwe, uSkhwicamfundo Levi Nyagura, umiswe phambi komthethwandaba labanye ababili besethseswa icala lokusebenzisa izikhundla zabo ukupha imisebenzi yama Contracts kwamanye amankampani okungekho emthethweni.

Umantshi uNkosikazi Mugwagwa uthi uNyagura labanye bakhe kumele bahlawule amakhulu amahlanu amadola umuntu munye ngamunye yesibambiso ukuze bathoniswe bevela emakhaya njalo baphenduke edale mhlaka 7 ngoZibandlela.

Igqwetha lika Nyagura labanye bakhe, uMnu. Wilson Manase, utshele iStudio7 ukuthi icala eletheswa abantu laba kaliqedakali.

UNyagura ulelinye njalo icala elisemthethwandaba eliphathelane lokuthi wasebenzisa isikhundla sakhe ngendlela engayisiyo ngokunikeza isicoco seDoctorate uNkosikazi Grace Mugabe, umkaMnu. Robert Mugabe, owayengumongameli wakwele Zimbabwe.

Kolunye njalo udaba obelusemthethwandaba, umantshi walele ukukhululwa kwenkokheli yenhlanganiso yezisebenzi eyeZimbabwe Congress of Trade Unions (ZCTU) ebotshelwe ukuqoqa ukutshengisela kokukhonona ngesimo esiselizweni ikakhulu kwezenotho.

Facebook Forum

XS
SM
MD
LG