amalinks wokungena

Breaking News

Uqhubeka Usiba Mubi Umumo Wendlala


Inhlanganiso ebona ngokwabela uzulu olambayo ukudla emhlabeni jikelele, iWorld Food Program ithi ithwele nzima ngokuthola imali yokuthengela uzulu weZimbabwe ukudla.

Ngalokho inhlanganiso le ithi kayisenelisi ukwaba ukudla okwaneleyo kwezinye izigaba zelizwe.

Abantu abedlula izigidi ezimbili, 2, 2 million bakhangelane lendlala embi lonyaka njalo ingcwethi zithi nxa iWorld Food Program ingehluleka ukuyithola imali eyidingayo, kungaba lomonakalo omubi elizweni.

Lanxa bekhona abathi bazathola isivuno esithe xaxa lonyaka, abanye bathi izilimo zabo sezibulawe lizulu elisuke laba linengi kakhulu.

Ukuhlaziya udaba lwendlala lolu sixhume owake waba ngumeli weInsiza South edale lephalamende uMnu Siyabonga Malandu Ncube lesakhamuzi seKenelworth, eBubi uMnu Zacharia Nkomo.
XS
SM
MD
LG