amalinks wokungena

Breaking News

URamaphosa Uthi Bazaphathwa Ngengalo Elukhuni Abasekeli bakaZuma Abenza Udlame


Supporters of former South African President Jacob Zuma block the freeway with burning tyres during a protest in Peacevale, South Africa, July 9, 2021. REUTERS/Rogan Ward

UMongameli weleSouth Africa uMnu Cyril Ramaphosa ngoMgqibelo usole udlakela oluqalwe ngabasekeli bakaMnu Jacob Zuma esithi abenza ubudlova lobu bazaphathwa kalukhuni ngengalo yomthetho.

Abasekeli bakaZuma bavuke ubhova bavala umgwalo omkhulu oxhumanisa isabelo saKwazulu Natal lezinye izabelo uN3 ngoLwesihlanu ebusuku batshisa izimota besithi bafuna uZuma akhululwe ejele.

UZuma, yena owake waba nguMongameli weSouth Africa uqale ukupika kuliviki ngemva kokufunyanwa elecala lokweyisa inkantolo.

Abatshengiselayo laba batshise amaroli athwala impahla lenqwaba yezimota abazivimbe kulumgqwabo besithi udlakela lolu lusazoqhubeka nxa engakhululwanga.

Le yinto esolwe nguRamaphosa yena othe lanxa abantu belelungelo lokutshengisela, udlame olunje oludiliza umnotho alusoze luvunyelwe.

“Siyacela siyacela uhulumeni wethu angenelele kulesi isimo. Siyacela bakhulule uMsholozi. Akaphume uMsholozi. Akaphume uMsholozi ahambe aye ekhaya. Mhlawumbe nathi sizokwazi ukuthi sikhululeke,” kutsho omunye umsekeli kaZuma.

Sokulokwesabela ukuthi udlakela lolu lungafika laseJohannesburg ngemva kwembiko yokuthi abasekeli bakaZuma baqoqa umhlangano eJeppes Town ngeSonto.

Umgcinisihlalo wenhlanganiso yeZimbabwe Community in South Africa uMnu Ngqabutho Mabhena utshele iStudio 7 ukuthi bakhathazekile kakhulu.

“Siyakhumbula futhi ukuthi kwathi kulensolo yokuthi kungani kusebenza abantu bokuza eSouth Africa ikakhulu ekutshayelweni kwamaroli kwatshiswa amaroli,” kutsho uMabhena.

“Khathesi sekutshiswa ama-truck. Yinto esiyisolayo ngoba lokhu kuhlukumeza abasebenzi.”

Ukutshengisela lokhu kubikwa sekuqhamuke njalo endaweni ezitshiyeneyo zedolobho leEstcourt lapho uZuma adonsa khona umnyaka olenyanga ezintathu ejele.

Amapholisa athi asebophe abantu abanengi phezu kodlakela lolu oselubangele ukutshabalala kwempahla ebiza izigidi zamaRand.

please wait

No media source currently available

0:00 0:02:02 0:00

Facebook Forum

XS
SM
MD
LG