amalinks wokungena

Breaking News

'USaMaNdlovu' Ucelwa Ukuthi Ahlenge iBulawayo City Ebona Ntuthu


Inkokheli yeqembu lomdlalo wenguqu ele Bulawayo City ithi ophethe isikhundla sokuba ngumqeqetshi uBekithemba Ndlovu kuzamele asize leliqembu lingagunyulwa esigabeni sePremier Soccer League ukuze awuphiwe lumsebenzi.

Umgcinisihlalo weqembu le Bulawayo City, uJerry Sibanda, utshele intathelizindaba ukuba kusemandleni kaNdlovu ukuba awuphiwe umsebenzi owokuqeqetsha iqembu leli uhle ubengowakhe njalo lokhu angakwenza ngokuhlenga iqembu leli engozini yokubuyela liyedlala kusigaba se Division One.

“Lumqeqetshi ubevele ekhona ethimini kodwa okwamanje nguye osezibambe esidukwini. Nxa enganqoba uyahle azitholele umsebenzi njalo yinto ayaziyo laye ukuba ukudlala kuhle kweqembu yikho okuzakwenza agcine umsebenzi. Thina njengeqembu esikutshoyo sithi kuBeke kayenze ubungcono bakhe ukuze iqembu liyale lilokhu lidlala kusigaba saphezulu njalo engakwenelisa lokho umsebenzi ngowakhe.”

UBekithemba Ndlovu uphiwe umlandu wokuhlenga iqembu le Bulawayo City ngemva kokuxotshwa umsebenzi uAmini Soma-Phiri, laye owayevele ethethe isikhundla lesi kuDarlington Dodo, onguye owaqala leqembu ekuqaleni kwalonyaka.

Kulimpelaviki iqembu le Bulawayo City lona elihlezi endaweni yesithathu nxa usuka emsileni wengalane yemiklomelo libhekane lomdlalo onzima lapho elizadibana khona lele FC Platinum enkundleni ye Barbourfields kusasa ngoMgqibelo.

Kweminye imidlalo ngoMgqibelo: Iqembu le Chapungu lizemukela iqembu le Bulawayo Chiefs ngaseAscot, iqembu le CAPS United lizadibana lele Black Rhinos ngase Rufaro, iqembu le ZPC Kariba lizangqikilana lele Triangle ngase Nyamhunga, kuthi ele Ngezi Platinum Stars lizadlala lele Nichrut ngase Baobab.

NgeSonto iqembu le Yadah lizemukela ele Herentals enkundleni ye Rufaro, iqembu le Shabanie Mine lizadlala lele Chicken Inn eMaglas kuthi umdlalo obekumele ube phakathi kweqembu le Highlanders lele Dynamos enkundleni ye Barbourfields udluliselwe phambili.

please wait

No media source currently available

0:00 0:01:48 0:00

XS
SM
MD
LG