amalinks wokungena

Breaking News

USikhala Useze Wakhululwa Yinkantolo Ngemali Yesibambiso


MP Job Sikhala

Umeli weZengeza West edale lephalamende njalo elilunga leMDC Alliance uMnu Job Sikhala ukhululwe yiHigh Court ngemali yesibambiso, i-bail ngoLwesibili ngemva kokuvalelwa okwenyanga.

USikhala ubotshwe mhlaka 21 ngenyanga edluleyo esetheswa icala lokutshotshozela udlakela phambilini kokutshengisela okwalumele kwenziwe mhlaka 31 ngoNtulikazi.

Umahluli ukhulule uSikhala nge$50,000 yesibambiso njalo wamxwayisa ukuthi engalokothi ethule imbiko yokutshotshozela udlakela enkundleni zokuxhumana.

Uthe njalo kumele azinikele emapholiseni kathathu ngeviki.

USikhala ubotshelwe icala linye lentathelizindaba uHopewell Chin’ono lomkhokheli webandla leTransform Zimbabwe uMnu Jacob Ngarivhume bona abavalelwa esitokisini okwesikhathi esedlula inyanga.

Umthethwandaba munye ulahle njalo icala ebelisetheswa isiphathamandla seMDC Alliance uMnu Charlton Hwende elokuzama ukuvukela umbuso kaMongameli Emmerson Mnangagwa.

Facebook Forum

XS
SM
MD
LG