amalinks wokungena

Breaking News

USikhosana Ulokhe Esamukela Izifuyo, Imali Lempahla Zokwakha Emkhankasweni Osaqhubeka Owokumthuthukisa, Kutsho UMadlela Sikhobokhobo


Umculi uSikhosana Buhlungu

UMadlela uthi abafuna ukunikeza uSikhosana abakwenelisayo bengathinta intathelizindaba uZenzele Ndebele, asebenza laye ukuncedisa uSikhosana ngomculo wakhe. Utholakala enkundleni zebulenjini ezibalisa iTwitter, Facebook, kanye leWhattsup kunombolo ezithi +263 77 310 3262

Abantu belokhe besukumela phezulu ngemzamo yokuncedisa umculi uSikhosana Buhlungu ngokumakhela indlu yakulezinsuku emzini wakhe eGwamba eNkayi njalo sebenelise ukuqoqa impahla zokwakha, imali, lezifuyo ezigoqela nkomo ezinhlanu.

Lokhu kuvezwe ngumculi, ongumlingisi njalo engumahlekisa; uMothusi Bashimane Ndlovu, owazakala ngokuthi nguMadlela Sikhobokhobo onguye ophathisa uSikhosana ngenhlelo ezifana lokupheka umculo wakhe eStudio, ephathisana labanye.

Ezinye zezipho lezi ngezithenjisiweyo; ama pledges ngesiNgisi okutsho ukuthi azikemukelwa.

“Sithanda ukubonga abantu bakithi ukuthi bamphakamele uSikhosaba, yibo phela ubuntu lobo, yibo phela ubuyithi ukuthi bekumele sibambane singabantu sibe yimbumba sikhulume ngelizwe linye,” kutsho uMadlela.

Ezinye impahla eziphiwa uSikhosana ezibonakala kuluhlu olusebulenjini zibalisa isamende, isivalo lomgubazi, uthango olwenziwe ngocingo, inkukhu ezingamatshumi amahlanu, okokugombolozela amafasitela, kanye lezigodo zama gum poles.

UMadlela uthi abafuna ukunikeza uSikhosana abakwenelisayo bengathinta intathelizindaba uZenzele Ndebele, asebenza laye ukuncedisa uSikhosana ngomculo wakhe. Utholakala enkundleni zebulenjini ezibalisa iTwitter, Facebook, kanye leWhattsup njalo inombolo zakhe zikamakhalekhukhwini ngu +263 77 310 3262.

Uqhubeke wathi uhlelo lokunikeza uSikhosana impahla lusungulwe ngelinye iqembu labantu kuWhattsup group, eligoqela abanye abaziwayo abakwamanye amazwe labaselizweni.

USikhosana usanda ukwethula umculo othi “Dlala Nthethe” osubukwe ngabantu abedlula inkulungwane ezingamatshumi amahlanu 50 thousand plus. UMadlela uthi lokhu kubonisa ukuthi abantu bayawuthakazelela kakhulu lumculo ngoba akujwayelekanga ukwenzakala ngesikhathi esifitshane ingoma iveziwe.

“Kulabanye abaziphe umsebenzi wokuba ngama “gatekeeper” abalomhobholo abangafuni ukuvuma okuhle, asitsho ukuthi athandwe ngumuntu wonke uSikhosana, kodwa nxa ungamthandi umuntu phuma kuye ungabi lendaba laye hatshi ukumtshaya lokumphosela amagade. Kodwa inengi lithi liyamthanda uSikhosana ngoba liyamuzwa emoyeni not only ngendlebe kuphela ngoba umculo kumele uwuzwe emoyeni. Nxa bemuzwa sijabulile,” kugcizelela uMadlela.

USikhosana ungene ngesivuvu kwezomculo ngomnyaka odluleyo, wathola isicoco emkhosini weBulawayo Roil Bulawayo Arts Award, kulandela ingoma yakhe ethi isomiso. Omunye umculo wakhe ngothi Rasta, Kumnandi, Amasiko.

“Siyabonga kakhulu, isizwe asiphakame, isizwe asibambane, isizwe asikhuphuke, siyabonga,” Kugqiba uMadlela.

please wait

No media source currently available

0:00 0:02:34 0:00

IStudio 7 yaxoxa loSikhosana elubhekise koBulawayo ukuya recorder umculo wakhe othi "Dlala Ntethe" waphinda wasithumela umlayezo esithi usevela khona njalo ngempela sokwenzakele. Asizweni echasisa.

please wait

No media source currently available

0:00 0:03:35 0:00



Facebook Forum

XS
SM
MD
LG