amalinks wokungena

Breaking News

Umbukiso weHlanganani/Sanganayi Usungula eHarare


Hlanganani

Umbukiso wezokwethekelelana owe Sanganai Hlanganani usungule ngoLwesine eHarare inengi lababukisayo likhankasela indawo zokwethekelela ezakuleli ezigoqela, iVictoria Falls, amakolitshi emfundo yaphezulu amaPolytechnic lama University ezabelo ezitshiyeneyo zelizwe.

Amazwe awe Europe laweAfrica afana lele Egypt kunye lengatsha zokuthengiselana zezabelo ze zansi ye Africa ezivame ukuza embukisweni lo azenelisanga ukubakhona lonyaka kodwa kube lokwanda kwamabhizimusi aweZimbabwe ikakhulu amakolitshi emfundo yaphezulu kunye labomasipala agoqela idolobho lako Bulawayo.

Umnumzana Cyprian Tararurwa omela I Bulawayo Publicity Association uthi iBulawayo lidolobha elisendaweni enhle sikhangela indaba zokwethekelelana:

Uthi lelidolobha lilokunengi okungajabulisa izethekeli ezigoqela indawo egcinelwa izinyamazana eye Chipangali, iBulawayo City Hall, lapho okwenzelwa umbukiso wezokuthengiselana owe Trade Fair owenziwa minyaka yonke, imigwaqo ebanzi njalo lilidolobha ngelihlanzekileyo ethi njalo duzane lalo zikhona ezinye indawo ezinhle zokwethekelela:

Uthi lelidolobha lilabantu abanengi abalethekelelayo bevela kundawana ezitshiyeneyo zomhlaba noma bekhankasela ukuba bengezelele.

Idolobha le Victoria falls litshengisa lalo omumo walo ngenhloso yokuhuga izethekeli. UNatalie Khumalo wenhlanganiso ekhankasela leli dolobha ye Publicity Association uthi lindawo yindawo okumele wonke umuntu ethole ithuba lokuzibonela ngoba ilokunengi:

Umbukiso walonyaka utshengisa lokudla okutshiyeneyo njalo lokhu kusenziwa okwakuqala.Ungenwa ngamazwe agoqela I Botswana, Malawi, Tanzania, Zambia, Indonesia leIndia.

Ilanga lalamhlanje ngelabamabhizimusi abanikezwa ithuba lokuhlanganela kwezokuthengiselana lokwazisana ngemisebenzi yabo .

Lumbukiso wenziwa kanye ngomnyaka yinhlanganiso yezokwethekelelana kuleli eye Zimbabwe Tourism Authority njalo uphela zimhlaka 20 kuyonale inyanga.

XS
SM
MD
LG