amalinks wokungena

Breaking News

UThokozani Khupe Umukulwa Esemhlanganweni weMDC-T


UNkosazana Thokozani Khupe
UNkosazana Thokozani Khupe

UNkosazana Thokozani Khupe utshaywe ngabantu ngeSonto abacatshangelwa ukuthi ngamalunga ebandla leMDC-T abathi ufuna ukuvimba umanyano weMDC Alliance obunjwe okusemthethweni ngoMgqibelo.

Abantu laba bangene umhlangano we MDC-T koBulawayo obuhlolisisa umanyano weMDC Alliance lokumele kwenziwe.

Kubikwa ukuthi batshaye uKhupe babanjwa ngezinye iziphathamandla zebandla leMDC-T ezibakhiphe ngenkani emhlanganweni wamalunga eNational Executive Committee leProvincial Executive Committee abavele eMatabeleland North, Matabeleland South lakoBulawayo.

Kasenelisanga ukukhuluma loMaKhupe kodwa umsekeli wesikhulumeli seMDC-T, uNkosazana Thabitha Khumalo, uthe basahlolisisa okwenzakale emhlanganweni lo emawofisini ebandla leli.

Akwaziwa ukuthi ulimele kanganani uNkosazana Khupe loba nje omabona kude beveze ukuthi kazange abelengxeba lapho atshaywe khona.

UMaKhupe kahambanga emhlanganweni omkhulu eZimbabwe Grounds eHarare lapho okwethulwe okusemthethweni isivumelwa samabandla agoqela eleMDC-T, MDC-Ncube, Transform Zimbabwe, Zanu Ndonga, Zimbabwe People First lamanye.

Amabandla la azabambisana kukhetho oluzakwenziwa ngomnyaka ozaya ukwenzela ukususa ibandla leZanu PF embusweni.

UMaKhupe loMnu. Morgan Tsvangirai bazondelana kulandela ukukhetha kwabasekeli baka Tsvangirai kungelasivumelwano.

XS
SM
MD
LG