amalinks wokungena

Breaking News

MDC-T VP Thokozani Khupe: Yimi Engibambe Isikhundla Sikamongameli Hatshi uChamisa


UNkosazana Thokozani Khupe.

Thomas Chiripasi

UNkosazana Thokozani Khupe, otshaywe ngabanye abalandeli bebandla leMDC-T ngesikhathi kungcwatshwa umuyi uMorgan Tsvangirai, uthi nguye obambe isikhundla somongameli webandla leli ebelikhokhelwa nguTsvangirai.

UKhupe uthi kungamanga ukuthi uMnu. Nelson Chamisa nguye obambe isikhundla sikamuyi njengalokho okwethulwa lidale leNational Council yeMDC-T.

Uthi utshayelwe ukuthi uphikisa okwenziwa nguChamisa.

Lokhu kutsho ukuthi sokulabantu abathathu abathi babambe isikhundla sikamuyi uTsvangirai. Omunye njalo obengumsekeli kaTsvangirai, uMnu. Elias Mudzuri laye uthi wakhethwa nguTsvangirai ukuthi abambe isikhundla sakhe engakabhubhi.

UMaKhupe uthi uzabiza umhlangano oqakathekileyo owe Extra Ordinary Congress ukwenzela ukuthi kulungiswe udaba lwesikhundla sikamongameli webandla leli.

Ingxoxo Esiyenze LoNkosazana Thokozani Khupe
please wait

No media source currently available

0:00 0:04:10 0:00

Kodwa-ke uNkosazana Thabitha Khumalo, umsekeli wesikhulumeli sebandla leMDC-T, uthi uMaKhupe ukhuluma angakwaziyo.

Ingxoxo Esiyenze LoNkosazana Thabitha Khumalo
please wait

No media source currently available

0:00 0:04:32 0:00

Ingcwethi kwezombusazwe, uDokotela Nkululeko Sibanda, uthi ibandla leMDC-T lilakho ukudabuka phakathi ngenxa yokulwisana kwenkokheli kubangwa isikhundla sikamongameli.

Ingxoxo Esiyenze LoDokotela Nkululeko Sibanda
please wait

No media source currently available

0:00 0:02:12 0:00

Facebook Forum

XS
SM
MD
LG