amalinks wokungena

Breaking News

Utholakala Emsulwa uNkosikazi Masotsha Ecaleni Lokuthunjwa KukaMuchehiwa


MDC Alliance

Ikomidi yebandla leMDC Alliance ebixwayisisa ngecala ebelisetheswa umgcinisihlalo wohlangothi lwabsifazana, koBulawayo, uNkosikazi Tendai Masocha, lokuphatheka ekuthunjweni kukaTendai Muchehiwa, imthole emsulwa, isithi insoli zikahulumende yizo ezathumba osakhulayo lo. Likomidi ithi kayitholanga ubufakazi bokuba uMasotsha usebenzelane lensoli zika hulumende kulesi siga.

UMuchehiwa ngomunye wabanengi abathunjwa wahlukunyezwa okumangalisayo kodwa kwaba lemibiko eyayisithi ukuthunjwa kwakhe kwakuqoqwe zinsoli zika hulumende zisebenza loNkosikazi Masotsha.

Lokhu kwenza ukuba ibandla leli bandla likhethe likhomithi ehlola ngendlela athunjwa ngayo ekhokhelwa ngu Nkosikazi Concilia Chinanzvavana, unobhala uMnu Jameson Timba lommeli we Nkulumane uMnu Kucaca Phulu.

Ekhuluma emhlanganweni lentathelizindaba eHarare uTimba uchasisa kabanzi ngenhlolisiso yabo leyi.

“Kakulabufazi obukhomba ukuba uMasotsha engabe waphatheka ekuthunjweni kuka Muchehiwa. Sesiqedile inhloliso yethu kusobala ukuba uTawanda wathunjwa zinsoli zika hulumende. Sakubona kumabonakude Icctv okwenzakalayo njalo inkampani yeMpala car rentals iyabazi abenza lokhu”

Uqhubeke esola inkampani ye Impala Car Rentals ngokuphatheka kwayo ekuthunjweni kuka Muchehiwa esithi yiyo ekwaziyo okwenzakalayo.

Ikhomithi le ithi yasebenzisa ubufakazi eyabuthola kumagqwetha ka Muchehiwa lalokho okwalotshwa zintathelizindaba lemibiko abayiphiwa ngu Masotsha eveza ukuba laye wathunjwa ngosuku lolu njalo wahlukunyezwa.

“Kulobufakazi ukuba u Tendai Masotsha, uTawanda Muchehiwa lo Mduduzi Mathuthu bengabe bathunjwa zinsoli zikahulumende. Lokhu kwenzelwa ukuba kwethuselwe uzulu ukuze angaphatheke ekutshengiseleni okwakumele kube khona mhllaka 31 Ntulikazi”

UTimba uqhubeke esithi njengebandla bafuna ukuba uhulumende afake uphenyo lwendaba zokuthunjwa kwabantu ezifana lalokho okwenzakala ku Joanna Mamombe, Cecilia Chimbiri lo Netsai Marova Kanye lo Itai Dzamara owanyamalala kuminyaka emihlanu edluleyo.

Igqwetha lika Muchehiwa uMnu Nqobani Sithole utshele iStudio 7 ukuba kakhulumanga lutho le khomithi le esithi uMuchehiwa kamuphanga umsebenzi wokuba ammele kuloludaba.

USithole uthe njalo uMuchehiwa walinyazwa kakhulu ngabantu abacatshangelwa ukuba zinsoli esithi kakapholi okokuthi aohe ubufakazi kudaba lolu.

Lobanje kule vidiyo eyokuthunjwa kuka Muchehiwa amapholisa kawakabophi muntu, okuyinto esolwa ngabalwela ilungelo loluntu.

Imota eyathumba uMuchehiwa ngeyenkampani ye Impala Rentals,yona ethi isebenza lamapholisa ukuba kwaziwe umuntu owayesebenzisa limota, akula osekuphumile lobanje idale lathi inkampani le ibise amaphepha omuntu lo.

Omela iUnited Nations kudaba lwamalungelo oluntu kugatsha lwe United Nations Office of the High Commissioner uthi abantu abangamatshumi amane lasitshiyangalolunye abathunjwayo ngo mnyaka ka 2019 kodwa uhulumende uthi abantu balamanga ukuba bayathunjwa.

Udaba lokwesulwa kwecala likaMasotsha siluphiwa nguMlondolozi Ndlovu
please wait

No media source currently available

0:00 0:04:30 0:00

Facebook Forum

XS
SM
MD
LG