amalinks wokungena

Breaking News

UTrump Uqhubeka Ekhala Ngokuthi amaDemocrats Azama Ukuqilibezela Kukhetho


Joe Biden da Shugaban Kasar Amurka Donald Trump.

Ukwethesa ibandla elibusayo icala lokuzama ukuqilibezela kukhetho kuvamile emazweni amanengi, ikakhulu ezwekazi leAfrica.

Okungavamanga yikuthi ibandla elibusayo lethese amabandla aphikisayo umlandu ofanayo.

Kodwa lokho sokuyinsakavukela umchilo wezidwaba eMelika kulezinsuku lapho uMongameli Donald Trump athi ibandla eliphikisayo elamaDemocrats lizama ukuqilibezela kukhetho oluzakwenziwa mhlaka 3 ngoLwezi.

Lanxa kungelabufakazi abuphayo, uTrump uthi amaDemocrats asekela uhlelo lokuvota ngokuthumela amaphepha okuvotela ngePoso abantu bebanengi ngoba alenjongo yokudlelezela.

Uthi njalo le yiyo yodwa indlela anganqotshwa ngayo nguMnu Joe Biden. AmaDemocrats wona ayakulandula lokhu esithi ukuvota ngePoso yinto esemthethweni evele ikhona lanini.

Umthethwandaba wona izolo walele uhulumende ukuthi aguqule indlela iPoso esebenza ngayo usithi lokhu kungaphazamisa ukuhanjiswa kwamavoti ngesikhathi sokhetho.

Ingcwethi kwezombusazwe uMnu Effie Dlela Ncube utshele iStudio 7 ukuthi imbiko yokuqilibezela le ilakho ukwenza ezinye izizalwane zeMelika zekele ukuvota.

please wait

No media source currently available

0:00 0:02:50 0:00

Facebook Forum

XS
SM
MD
LG