amalinks wokungena

Breaking News

UTrump Uxotsha uJeff Sessions Aphinde Azitshaye Isifuba Ngokhetho Olusanda Kwenziwa eMelika


UMnu. Jeff Sessions, umphathintambo wohlangothi lweMelika olubona ngezemithetho, usetshiye umsebenzi kulandela ukucelwa kwakhe nguMongameli Donald Trump ukuthi akwenze lokhu.

UTrump ubekhonona ngokuthi uSessions kalasandla kokwenziwa nguMnu. Robert Muller ohlolisisa okwenziwa nguTrump labanye bakhe ngesikhathi sokhetho olwenziwa ngomnyaka ka2016.

Kucatshangelwe ukuthi ilizwe leRussia lancedisa uTrump ukuba anqobe kukhetho lukamongameli ngomnyaka lowo. UTrump uyakuphika lokhu.

Kusenjalo, uTrump uthi lokhe ezibambe esidukwini kulandela ukunqoba kwebandla lakhe kukhetho lokudinga amalunga edale leSenate lobanje bakhe phansi kukhetho lokundinga amalunga edale leHouse of Representatives okunqobe khona ibandla lama Democrats.

“Ukhetho lolu ngolokuqala ukuthi ibandla likamongameli lithole izihlalo ezinengi kudale leSenate kusukela ngesikhathi sikaMongameli Kennedy ngomnyaka ka1962. Kudale leHouse of Representatives ibandla lama Republicans livimbe njalo ukuthi lihluthulelwe izihlalo ezinengi. Abanye bethu abalandele ekade sikwethulela uzulu okuhambelana lemithelo ephansi, ukuphungula ubugebengu lokuvimba abantu bokuza emgceleni baphumelele kukhetho olusanda kwenziwa.”

Kodwa-ke ibandla lama Democrats lithokoze okumangalisayo ngokunqoba kukhetho lokudinga amalunga edale leHouse of Representatives.

UNkosikazi Nancy Pelosi, okhokhela ibandla lama Democrats kudale leli, uthi kumele wonke amalunga adonse ndawonye ukwenzela ukuthuthukisa ilizwe leMelika.

“Silomlandu wokuthi sisebenze ndawonye njalo sizivikele nxa kudingakala lokhu. Idale eliphethwe ngama Democrats lizazama ukuthi abantu basebenze ndawonye.”

Ingcwethi kwezombusazwe, uNkosikazi Priscilla Mtungwa Ndlovu, uthi akumelanga uTrump atshele abantu ukuthi unqobile kukhetho olusanda kwenziwa kwele Melika ngoba sokubusa ibandla lama Democrats kudale leHouse of Representatives.

UTrump uthi kumele ibandla lama Democrats lisebenze ngonanzelelo edale leHouse of Representatives ngoba lokhe elamazinyo okubadlithiza nxa befisa ukulwisana laye.

Udaba Esilethulelwe NguGibbs Dube
please wait

No media source currently available

0:00 0:04:24 0:00

Facebook Forum

XS
SM
MD
LG