amalinks wokungena

Breaking News

UTsvangirai Ufuna Ukukhulumisana leZanu PF


Movement for Democratic Change (MDC-T) leader Morgan Tsvangirai and Zanu PF's Robert Mugabe (AP Photos/Collage by Ntungamili Nkomo)

Umkhokheli weMDC-T uMnu Morgan Tsvangirai uthi ukuze umnotho ulungisiswe njalo ilizwe lihlengwe ebunzimeni eliphakathi kwabo, kumele ibandla leZanu PF likhulumisane lamanye amabandla.

Ekhuluma leStudio 7 ngoMvulo, uTsvangirai uthe akula ndlela udaba lweZimbabwe olungalungisiswa ngayo ngaphandle kokukhulumisana.

Wengeze wathi inkulumo lezi kumele zibe ngezabantu beZimbabwe kuphela kungela kungenela kwamanye amazwe kumbe inhlanganiso ezifana leAfrican Union leSADC njengalokhu okwenzakale ngo2008 kwakhokhelela ekubunjweni kukahulumende womanyano.

Ekhuluma ngodaba lokungadlulwa yisidwaba, osolutshona lusetshenziswa yizitha zakhe ukumchothoza, uTsvangirai uthe uyakunanzelela ukuthi wenze amaphutha amanengi kusikhathi esedluleyo njalo usebenza gadalala ukuba ngumkhokheli ongcono.

Ukuhlaziya loludaba sixhume ingcwethi kwezombusazwe uMnu Mlamuli Nkomo yena othe ngokuzisola ngokuphambanisa kwakhe, uTsvangirai uzama ukudinga usekelo olukhanya solumlahlekele.

XS
SM
MD
LG