Kuhlelo lwezizalwane zeZimbabwe ezihlala kwamanye amazwe, lamuhla sixoxa loMnu. Victor Mubaya ofundisa ulimi lweSingisi eChina.
UMubaya wazalelwa koBulawayo wayahlala eHarare lapho adlalela khona amaqembu enguqu abalisa iBAT Ramblers leCaps United. Wake wadlalela njalo iqembu lelizwe leUnder-18. Wafundela ukuba ngumanjinela eZimbabwe engakasuki kulelolizwe elubhekise eCanada leMelika lapho afika agcwalisisa izifundo zakhe zokuba ngumanjinela.
Wasuka eCanada elubhekise eChina lapho afundisa khona ulimi lweSingisi.
“Okwewnza ngiye eChina yikuthi ngakhethwa labanye bami abafundela ububalisi eCanada ukuthi siye kwele China ukuyafundisa iSingisi abantu bakulelo lizwe. Ngiyakukholisa lokhu njalo ngicabanga ukuthi ngizaqhubeka ngikwenza ngize ngiluphale.
“Kunzima ukubafundisa iSingisi kodwa abantu abakhaliphileyo emfundweni bayenelisa ukufundisa ngendlela eqondileyo. Salungisa ingwalo ezijulileyo zokufundisa ulimi lolu khonangale eChina okubizwa kuthiwa yiEnglish Curriculum.”
Okwamanje uMubaya uyafundisa njalo imidlalo yenguqu ethakazelelwa yizizalwane ezinengi zakwele China.