amalinks wokungena

Breaking News

Uyachothozwa Uhulumende Ngokudiliza Izakhiwo Zabantu eHarare


Uhulumende sesolwe kakhulu ngohlelo lwakhe lokudiliza izakhiwo ezibikwa zakhiwe ngaphandle komthetho eHarare olubikwa solutshiye abantu abanengi bengasela ndlela zokuziphilisa.

Inengi lezakhizo lezi yilezo okuthengiselwa kuzo kanye lezindlu zokuhlala.

Obona ngenhlelo zentuthuko eHarare uMnu Tafadzwa Muguti utshele iStudio 7 ukuthi badiliza izakhiwo ezigoqela ezalabo abathengisela endaweni ezingahlelwanga ngokusemthethweni.

Uthe lesi yisinqumo esathathwa lidale labaphathintambo bakahulumende eleCabinet ngenjongo yokuqoqa kuhle amadolobho lokuqeda inkohlakalo enziwa yilabo abathengisela abanye umhlabathi ngaphandle komthetho.

Kodwa lokhu kusolwe kakhulu ngabalwela amalungelo oluntu abagoqela ebenhlanganso yeCrisis in Zimbabwe Coalition (CZC).

Inhlanganiso le ithi okwenziwa nguhulumende yikwephula amalungelo kanti njalo ithi kufana xathu lokudilizwa kwezindlu zabantu abafika phose isigidi, 700,000, okwenziwa nguhulumende weZanu PF ngomnyaka ka2005 phansi kohlelo lweOperation Murambatsvina.

Obona ngokuthuthukiswa kwezabelo kubandla leMDC Alliance uMnu Sessel Zvidzai laye ukusolile lokhu esithi akulunganga ukuthi uhulumende achithe indlela zabantu zokuziphilisa khona kungelamisebenzi elizweni kanti lomkhuhlane weCovid-19 lawo udlangile.

Facebook Forum

XS
SM
MD
LG