amalinks wokungena

Breaking News

Uyaqala Umsebenzi Wokudinda AmaBallot Papers


Amaballot papers angomnyaka ka2013 ayenjengaleli. Okwamanje umuyi uMorgan Tsvangirai loMnu. Robert Mugabe bazabe bengekho emaphepheni okuvota.

Ikhomishini ebona ngezokhetho eyeZimbabwe Electoral Commission iqalise ukudinda amaphepha okuvotisa ama ballot papers ngoLwesihlanu.

Lokhu kwenzakala lobanje kulokukhonona kwamabandla aphikisayo athi kawasuthiswa yindlela lumsebenzi ophathwa ngawo. Amaphepha la adindwe kunkampani eyeReserve Bank of Zimbabwe, eye Fidelity Printers.

Intathelizindaba kazizange zivunyezwe ukuyabona lawo maphepha edindwa kodwa abamanye amabandla ezombusazwe akade ekhona aveze ukungajabuli ngokuqhutshwa kwalumsebezi.

Isiphathamandla se Zimbabwe Electoral Commission, uMnu Qhubani Moyo, uthi amabandla aphikisayo kumele avume ukuthi iZEC yenza okusemandleni ayo ukuthi ukhetho lubaluleke.

UMnu. Sinike Sibanda omunye obe elapho okudindwa khona amaphepha utshele iStudio 7 ukuthi iZEC yenza umathanda ngoba abakubonileyo akusikho abakade bekukhangelele.

Unobhala jikelele webandla leNational Patriotic Front, uMnu, Lloyd Sithole, uthe loba nje bejabulela ukuthi iZEC ibanxusile ukuthi babone amaphepha okuvotisa edindwa, basazo wahlolisisa ukuze babone ukuthi akulasitsotsi esenzakalayo.

Babuye bathi okunye okuqakathekileyo abazakuhlolisisa yikubona ukuthi umsebenzi wokhetho uzaphathwa njani ngelanga lokuvota.

Amaballot papers la azasetshenziswa kukhetho lokudinga umongameli welizwe adindwa yinkampani esebenza ngaphansi kwebhanga elikulu lelizwe ele Reserve Bank of Zimbabwe eye Fidelity Printers kuthike awamakhansila azadindwa yinkampani kahulumende eyePrintflow.

Facebook Forum

XS
SM
MD
LG