amalinks wokungena

'Uyaqhaqhazela uMnangagwa Yikho Nje Esechothoza Abasekeli Bakhe'

  • Ntungamili Nkomo

Amazwi kaMnu. Emmerson Mnangagwa achothoza abasekeli bakhe abasola uMongameli Robert Mugabe aveza ukuthi uMnangagwa wethukile ngokulakho ukumehlela okufana lokuxotshwa kubandla leZanu PF, kutsho ingcwethi.

Embikweni awethule ngoLwesithathu, uMnu. Mnangagwa uthe abasola umbuso kaMugabe abagoqela ababengabalweli bempi yenkululeko ngabantu abalahlekileyo abangahloniphi inkokheli yebandla.

Ngalokho, uthe kalufuni usekelo lwabantu abanjalo.

Ababengabalweli bempi yenkululeko asebaxotshwa kubandla leZanu PF abafana loMnu. Chris Mutsvangwa bathi basekela uMnangagwa ukuthi athathe isikhundla sikaMugabe.

Sebegcizelele kanengi njalo ukuthi kabasoze bavotele uMugabe kukhetho lomnyaka ozayo.

Kodwa ingcwethi kwezombusazwe zithi uMnangagwa seyibonile ingozi yokuxotshwa kubandla leZanu PF engamehlela yikho nje esechothoza abasekeli bakhe laba ukuze uMongameli Mugabe engaboni angani uvumelana labo.

UMnangagwa uphinde wachothoza uMnu Jonathan Moyo, lanxa engamqambanga ngegama, ngemva kokuba uMoyo emsole kakhulu ngokuphuma ephethe inkomitsho ebhalwe ukuthi “I’m the boss”.

Ukuhlaziya loludaba sixhume ingcwethi kwezombusazwe uMnu. Dinizulu Macaphulana lelunga leZanu PF uMnu. Effort Nkomo.

“Lapho abantu abaphila khona kuvele kuba lemicabango etshiyeneyo,” kutsho uMnu Nkomo ekhuluma ngodaba lwenkomtsho kaMnangagwa kanye lokudlephana okukhona kubandl aleZanu PF.

Kodwa uMacaphulana uthe kusobala ukuthi uMnangagwa seqhuqha esesaba ukuxotshwa kubandla yikho esezehlukanisa labasekeli bakhe.

XS
SM
MD
LG