amalinks wokungena

Breaking News

Uyedwa Obulawe yiCovid-19 eZimbabwe Izolo


Coronavirus, Zimbabwe

Kuloyedwa obulawe yicCovid-19 eHarare izolo labangamatshumi ayisitshiyagalolunye lanhlanu, 95, ababanjwe lumkhuhlane elizweni jikelele.

Lokhu kukhuphule inani lasebedliwe yilumkhuhlane eZimbabwe laya kumakhulu edlula kancane amathathu, 304.

Phakathi kwababanjwe lumkhuhlane izolo, abangamatshumi amahlanu lanye, 51, ngabakoBulawayo njalo abalitshumi lantathu ngabeHarare.

Kulabahlanu eMashonaland Central, abane eMatabeleland South, abayisitshiyangalombili eMasvingo, abayisithupha eMidlands, labayisitshiyangalombili eMashonaland East.

Ugatsha lwezempilakahle luthi kulabangamatshumi ayisitshiyangalombili lanhlanu, 85, njalo abafunyanwe sebepholile.

Inani lalabo asebebanjwe umkhuhlane lo selokhu waqhamukayo likhwele laya ku-11007. Asebepholile bakhwele baya ku-9147 kuthi abalokhe begula bona bakhwele baya ku-1556.

Umkhuhlane lo umemetheka ngamandla emazweni atshiyeneyo agoqela eleSouth Africa lapho umphathintambo wezempilakahle uMnu Zweli Mkhize azise khona izolo ukuthi lelilizwe selingene kuhlandla lesibili lokuhlaselwa yilumkhuhlane ngamandla, i-second wave.

Uthe ababanjwa yiCovid-19 kakhulu kulezinsuku ngabasakhulayo bona athi sebezibuthanela nje bengazivikelanga.

Ukumemetheka komkhuhlane lo eSouth Africa kuza ngesikhathi imingcele yeZimbabwe isivuliwe njalo kukhangelelwe ukuthi inengi lezizalwane zeZimbabwe elisebenza eSouth Africa lizaphindele ekhaya ngekhefu lekhisimusi.

Isikhulumeli senhlanganiso yeZimbabwe Community in South Africa uMnu Bongani Mkhwanazi utshele iStudio 7 ukuthi inengi seliwutshaya indiva lumkhuhlane yikho usumemetheka kakhulu.

please wait

No media source currently available

0:00 0:02:11 0:00

Facebook Forum

XS
SM
MD
LG