amalinks wokungena

Breaking News

Uzanqoba Na Umanyano weMDC Alliance Edale leConstitutional Court?


Ezinye Ingcwethi kwezombusazwe zithi udaba oluphanyekwe ngumanyano weMDC Alliance emthethwandaba ngempumela yokhetho olusanda kwenziwa, lulakho ukuvumelana lokwethulwa yiZimbabwe Electoral Commission.

Ingcwethi lezi zicabangela ukuthi lokhu kungenziwa ngenxa yokuthi umthethwandaba ungabe ufisa ukuthi kungabi lodlakela lwezombusazwe elizweni.

Omunye walabo abalombono lo nguMnu. Butler Tambo, ingcwethi kwezombusazwe ezimele yodwa.

“IMDC Alliance ayisoze inqobe eConstitutional Court ngenxa yokuthi inkantolo izavumelana leZEC ukuze yenqabele ukuthi kube le run-off.”

Uthi okungenzakala yikuthi idale likhangele okungaxegisa udaba lweMDC Alliance njalo uMongameli Emmerson Mnangagwa uzakwekela udaba lutshutshiswe ngoba efuna ukuthi umhlaba wonke jikelele umbone njengomuntu osetshintshile.

“Ubaba uMnangagwa ufisa ukuthi umhlaba umbone njengomuntu oseguqukile yikho esekela udaba lusiya emthethwandaba. Njalo iMDC kusukela kudala ayikaze inqobe emthethwandaba.”

UMnu. Dumisani Nkomo uvumelana loTambo esithi ibandla leZanu PF kalifisa ukuthi luphindwe ukhetho lolu.

“Nxa kungavunyelwa ukuthi kube le run-off kuzanceda uChamisa ukuthi awine kodwa lokhu kuzabangela ukuthi kubelodlakela ibutho selizama ukuthi livikele umbuso walo.”

UMnu. Joseph Tshuma, ilunga ledale leCentral Committee kubandla leZANU PF njalo engomunye wabanqotshiweyo ekhethweni oludluleyo, uthi izikhalazo zeMDC Alliance azimanga kuhle.

Uthi bahle baqala ngokusola uMnangagwa kulokuthi basole iZEC. UthI kaboni ukuthi idale lizakhipha impumela eefiswa ngumanyano weMDC Alliance.

“Izikhalazo zeMDC Alliance azimanga kuhle … Bahle baqala ngokusola uMongameli Mngangwa yena waqanjwa yiZEC.”

Isakhamuzi sakoBulawayo, uMnu. Sipho Masina, uthi uzakwamukela loba yisiphi isinqumo sedale ngoba kafisi ukuthi kucine kusiba lobudlwangudlwangu.

“Kumele samukele iloba yisiphi isinqumo ngoba iRe run izadala udlakela.”

Umumo okhona phakathi kukazulu ngowokwesaba njalo inengi labantu alisakhululekanga ukukhuluma. Impumela yedale ikhangelelwe phakathi kwamalanga alitshumi lane.

Udaba Esilethulelwe NguBathabile Masuku
please wait

No media source currently available

0:00 0:02:45 0:00

Facebook Forum

XS
SM
MD
LG