amalinks wokungena

Breaking News

Uzaphumelela Na Ekuhugeni Osomabhizimusi baseChina uMnangagwa?


UMongameli Emmerson Mnangagwa ufike kweleChina ngoMvulo kuhambo lokuyahuga uhulumende kanye labosomabhizimusi bakulelo lizwe ukuthi bazetshala izimali zabo eZimbabwe.

UMnangagwa uhamba lomkakhe lequla labaphathintambo bakahulumende abalitshumi abagoqela obona ngezemali uMnu Patrick Chinamasa labosomabhizimusi.

Bazahlala kulelolizwe okwamalanga amahlanu bekhulumisana lezicukuthwana zikahulumende waseChina labosomabhizimusi ngamathuba amabhizimusi atholakala eZimbabwe.

Lokhu ngokwakuqala ukuthi uMnangagwa ethekelele kweleChina esenguMongameli weZimbabwe kulandela ukuthatha kwakhe intambo zombuso kuMnu Robert Mugabe ngoLwezi nyakenye.

Umbuzo omkhulu ngothi kambe uzakwenelisa yini uMnangagwa ukubahuga osomabhizimusi baseChina babuye bazehlanyela inotho yabo eZimbabwe?

"Balakho ukumtshela ukuthi basafuna ukubona ukuthi ukhetho luzahamba njani," kutsho ingcwethi ecubungula ezombusazwe uMnu Dumisani Nkomo.

please wait

No media source currently available

0:00 0:02:22 0:00

Facebook Forum

XS
SM
MD
LG