amalinks wokungena

Breaking News

Uze Wemukela Amaphepha Aphikisa Impumela uMnangagwa


Emmerson Mnangagwa
Emmerson Mnangagwa

Umongameli Emmerson Mnangagwa, othiwa ubengafuni ukwamukela amaphepha awomthethwandaba aphikisa ukhetho, uze wemukela ngoLwesihlanu.

UMongameli womanyano weMDC Alliance, uMnu. Nelson Chamisa ngoLwesihlanu, wethule ingwalo ezokuphikisa impumela yokhetho eyatshengisa ukuthi ungqotshiwe kukhetho lukamongmaeli njalo izihlalo zamalunga edale lephalamande zebandla lakhe zilutshwana kakhulu kulezamalunga eZanu PF.

Ngokwethula la maphepha, uChamisa uhle wamisa ukugcotshwa kukamongameli mnangagwa obekukhangelelwe ukwenziwa kusasa.

Isikhulumeli sika Chamisa, uMnu. Nkululeko Sibanda utshele iStudio Seven ukuthi loludaba luzaqala ukuhlaziywa ngoLwesibili njengoba ngoMvulo kulikhefu lokungananza amaqhawe awalwela uzibuse.

"Simelele ukuthi labo abphiabaphiwa amaphepha, okuthiwa ngama respondents ngesilungu, baphendule, baphiwa amalanga ayisikhombisa aphela ngeLweisihlanu, ukuthi baphendule," kutsho uSibanda.

Uthi ngemva kokukhangela impendulo umthethwandaba uzafaka ilanga lokuthethwa loludaba.

Uthi baze babhadala isikhonzi senkantalo ukuthi awaphiwe amaphepha la ngenkani njengalokho okutshiwo ngumthetho.

"Abantu laba balile ukuthatha amaphepha ekheli yomsebenzi wakhe kodwa a njengokuyifaka emaphepheni akhe awe ZEC," kutsho uSibanda.

please wait

No media source currently available

0:00 0:02:24 0:00

XS
SM
MD
LG