amalinks wokungena

Breaking News

Ziyambi Ziyambi: Engalokothi uChamisa Ukwenza Umcimbi Wokugcotshwa Kwakhe


UMnu. Nelson Chamisa

Umphathintambo wezemithetho ledale lephalamende, uMnu. Ziyambi Ziyambi uthi umcimbi webandla leMDC owadluliselwa phambili ngemva kokuqhamuka komkhuhlane wesihudo, iCholera wokufuna ukugcoba uMnu Nelson Chamisa njengomongameli ungaphandle kwesisekelo sombuso njalo engadilikelwa yimiduli yejele uma bengakwenza.

Ekhuluma kabanzi ngemva kokuvula izindlu zokuthonisisela amacala eHigh Court KoBulawayo izolo, uMnu. Ziyambi uthi akukho emthethweni ukuba kubelomunye umongameli ozacotshwa ngemva kokhetho.

Ethi okukhangelelwe ukwenziwa libandla leMDC kungaphandle kwesisekelo sombuso njalo kazi ukuthi ngubani okhohlisa uMnu Nelson Chamisa.

“Lokhu okubikwa kukhangelelwe ukwenziwa libandla eliphikisayo leMDC Alliance ekhokhelwa nguMnu Nelson Chamisa ukuba bamgcobe ukuba ngumongameli kungaphandle kwesisekelo sombuso njalo kuyitreason angazi ukuthi nubani omkhohlisa kangaka.”

Ilunga ledale leMDC Alliance koBulawayo, uNkosazana Thabitha Khumalo uthi bona bakhangelele ukwenza idili lokuba leminyaka elitshumi lasificamunwe munye belibandla hatshi lokhu okukhulunywe nguZiyambi.

Ethi idili labo lama ngemva koqhamuka komkhuhlane weCholera kodwa bayamangala ngoba ibandla elibusayo selithe laba lomhlangano kwaba lomdlalo webhola njalo eHarare.

“Lokhu okukhulunywa nguMnu. Ziyambi ayisikho thina sikhanelele ukuba ledili lethu sithakazelela iminyaka eyi19 ibandla labunjwa. Okusimanalisayo yikuthi umhlangano wethu wadluliselwa phambili njalo sisazowenza kodwa ibandla elibusayo selithe laqhuba umhlanano kwabalomdlalo webhola njalo. Kunenani uzulu wonke uyanxuswa mhlazana sizavunyelwa ukwenza lumbuthano njalo akukho ehlelweni lwethu ukuthi sigcobe uMonameli wethu.”

Isakhamuzi sakoBulawayo osekela iMDC, uMnu Lovemore Ncube uthe uChamisa bazamgcoba kuphela ibandla elibusayo lithanda lingathandi.

“Iyathanda ayithandi iZANU-PF, uMnu Chamisa nguye uMongameli wethu njalo sizamgcoba nguye esamkhathayo izwe alimanga kahle izinto ziyakhwela malanga onke.”

Elinye ilunga leMDC-Alliance koBulawayo, uMnu. James Nyoni uthi basekela uChamisa ukuze bahlale kuhle nanko intengo yempahla iqongile lamafutha ezimota awatholakali.“Thina uMongameli wethu uMnu Chamisa siyamsekela nuye onaletha inguquko siphile kahle hatshi lokhu okukhona. Nanko impahla ezitoli isiqansile kuthi umhluzi wezimota awusatholakali yonke into isisiba nzima.Uhulumende weZimbabwe umise umhlangano webandla leMDC- kumaviki ambalwa adlule bethi ulakho ukumemethekisa umkhuhlane wesihudo seCholera.

I-MDC ithi akukho enhlelweni zabo ukuba bagcobe uChamisa njengomongameli kabazi ukuba ibandla elibusayo likuthathaphi lokho.

please wait

No media source currently available

0:00 0:05:06 0:00

Facebook Forum

XS
SM
MD
LG