amalinks wokungena

Uzulu Ukhathazwa Yikukhahlanyezwa Kwabafundela Ubudokotela eU.Z

  • Gibbs Dube

Sebexotshiwe lapho abahlala khona abafundela ukuba ngodokotela.

Abantu abanengi abethule imbiko yabo ebulenjini bokuzilibazisa obe Facebook kukhasi leVOA Ndebele bathe kuyamangalisa ukuthi uhulumende weZimbabwe kayenelisi ukufundisa abafundela ukuba ngodokotela.

Abanye abafuthelane ngokukhahlanyezwa kwabafundela ubudokotela ekolitshini leUniversity of Zimbabwe abatshengisele bekhonona ngokukhuphulwa kwenhlawulo yezifundo, bagoqela uPretty Mhlanga Mbezi, Mzukhona Muzi Ncube loPhillip Rongwe.

Abathathu laba bathi uhulumende kumele azame ukunika izifundi lezi imali yemfundo. Lokhu kusekelwe nguDokotela Joshua Sibanda, ohlala eJohannesburg kwele South Africa, iStudio 7 ukuthi ukufundela ukuba ngudokotela kubiza imali enengi okumangalisayo abazali abangeke benelisa ukuyihlawula emakolitshini.

“Kungaba lula nxa kungaba ngumladu kahulumende ngoba odokotela bayafana nje lama sotsha elizwe. Nxa kungaba khona ukuthi uhulumende abelendlela yokufundisa odokotela ngibona engani kunganceda kakhulu ngoba imfundo yabodokotela inde njalo kulendleko ezinengi.

“Kulama laboratories, amabhuku adulayo lesikhathi abalolongwa ngaso eside okwenza ukuthi kubelendleko enengi kakhulu.”

UDokotela Sibanda uphinde wathi yena wafundiswa ngemali efika phone inkulungwane ezedlula ikhulu lamatshumi amabili amadola.

Uthi ngesikhathi efunda imali yeZimbabwe yayilesisindo esikhulu okumangalisayo nxa kuqathaniswa lalamuhla.

Facebook Forum

XS
SM
MD
LG