amalinks wokungena

Breaking News

Uzulu Ukhumbula Abantu Ababulawa yiGukurahundi eBhalagwe


Uzulu ovela kunhlangothi zempilo ezitshiyeneyo ubuthene eBhalagwe ngoLwesithathu emthandwazweni wokukhumbula abantu ababulawa ngumbuqazwe weGukurahundi.

Abantu laba bebevela kunhlanganiso ezizimeleyo ezigoqela eyeIbhetshu likaZulu, amabandla ezombusazwe aphikisayo kanye lawokholo.

EBhalagwe kulapho okulomgodi owajikelwa abantu abanengi kakhulu libutho likaMnu Robert Mugabe ngemva kokubabulala ngesikhathi seGukurahundi.

UMabhalane weIbhetshu likaZulu, uMnu Mbuso Fuzwayo uthe uzulu ulokhu ebuhlungu kakhulu ngokubulawa kwabantu lokhu.

Amazwi kaFuzwayo agcizelelwe ngumgcinisihlalo weZIPRA Veterans Association uMnu Ben Ncube yena uthe kuqakathekile ukuba kube lekomishini yezokukhumisana umlotha eqotho ukuze udaba lolu lulungisiswe.

Umbhuqazwe weGukurahundi wenzakala phakathi kuka1983 lo1987 lapho uMugabe athumela khona ibutho lakhe leFifth Brigade ukuyabulala abantu eMidlands leMatabeleland esithi bazingela abahlamuki.

Ibutho leli labulala abantu makhaza ababengelandlela zokuzivikela abedlula inkulungwane ezingamatshumi amabili, 20, 000 ezabelweni zombili.

please wait

No media source currently available

0:00 0:04:53 0:00

Facebook Forum

XS
SM
MD
LG