amalinks wokungena

Breaking News

Izizalwane zeZimbabwe Zilungisela Ukutshengisela eNew York


Ibandla leMDC-T lithi lizabambisana lenhlanganiso ezizimele zodwa kusukela ngoMgqibelo eNew York kwele Melika lapho ezinye izizalwane zeZimbabwe ezizabe zitshengisela ezitaladini ngesikhathi kusenziwa umhlangano omkhulu weUnited Nations General Assembly.

Umsekeli kanobhala jikelele webandla leli eMelika, uMnu. Mpariwa Gwekwerere, uthi kuyancomeka okwenziwa nguPastor Evan Mawarire owe #thisflag, abenhlanganiso ye #thisgown, inhlanganiso yeTajamuka-Sesijikile Campaign lezinye ezitshiyeneyo ezilamalunga akhonona ngokubhidlika komnotho eZimbabwe lombuso kaMugabe abathi ngowocuku.

UMongameli Robert Mugabe uzabe esemhlanganweni lo lenkokheli yakwamanye amazwe. Abenhlanganiso esekela uMugabe eye December 12 Movement bathi labo bazatshengisela ngesikhathi esifanayo besekela uMugabe abathi wenza kahle ukwabela uzulu umhlabathi owawusezandleni zabamhlophe.

UGwekwerere utshele iStudio 7 ukuthi bazimisele ukutshengisela nsukuzonke phandle kwamawofisi eUnited Nations loba nje iDecember 12 Movement layo isithi izabe ikhona ezitaladini.

“Into ekhona yikuthi banengi abantu abacuphukileyo, abantu abangahambelani lokwenzakala ekhaya. Ukutshengisela yinto ekade ivele isiqalisile. Okukhona yikuthi uMugabe uyabe ekhona eUnited Nations ngakho abantu bathe kumele bemtshengise ukuthi abajabuli ngakwenzayo ekhaya.

“Sizaqalisa ukwenza konke lokhu kusukela ngoMgqibelo kuze kuphele umhlangano weUnited Nations. Sizatshengisela njalo phandle kwewotela lapho uMugabe azabe ehlezi khona.”

Uphinde wathi kabayethuselwa ngabenhlanganiso yeDecember 12 Movement abathi bazabe betshengisela ngesikhathi esifanayo besekela uMongameli Mugabe.

Ingxoxo Esiyenze LoMnu. Mpariwa Gwekwerere
please wait

No media source currently available

0:00 0:01:56 0:00
Lapho esitholakala khona

XS
SM
MD
LG