amalinks wokungena

Breaking News

Uzulu Uthi Akayiboni Intuthuko Kwezenotho Ekhulunywa Nguhulumende


UMnu. Mthuli Ncube umpathintambo wezemali
UMnu. Mthuli Ncube umpathintambo wezemali

Ingcwethi kwezomnotho ziveza ukuba inengi labantu eZimbabwe baqhubeka besiba ngabayanga ngamandla, bengesenelisi ukuziphilisa ngenxa yesimo somnotho esingamanga kuhle.

Lokhu kwenzakala lanxa uhulumende ehlezi esithi umnotho uyathuthuka njalo luzofezeka uhlelo lokuba kusiyafika umnyaka ka 2030 sekulabantu abalenotho ephakathi laphakathi kusiya kwephezulu.

Embikweni wakhe awethulele uzulu ngenyanga ephelileyo kuMid-Term Budget Review, umphathintambo wezemali uProffessor Mthuli Ncube utshele uzulu ukuba umnotho uzothuthuka okuzadala ukuba abantu baphile ngcono e Zimbabwe.

Ukuzinza kwesisindo sedollar leMelika emkambo kahulumende uNcube uthi ngesinye sezibonelo sokuthi isimo siyaguquka.

“Isimo kwezentengo yempahla kanye lokuzinza kwemali yakwamanye amazwe kuzosiza ukusekela abamankampani ukuthi anelise ukuthatha isinqumo zokuzithuthukisa. ”

Kodwa umnumzana Godfrey Ndlovu wakoBulawayo ophila ngokuzisebenza uthi umangoye uselala eziko ngenxa yesimo somnotho.

“Kulabantu abangabayanga, abaswelayo, abaphila ngokuthengisa especially lawa ama Cross-Border Traders, bazothini ke njengoba ama-Border asavaliwe?. Yiluphi usizo uhulumende azabapha lona ukuze labo bangafi ngendlala ngoba kunzima phandle lapha. ”

Ingcwethi kwezomnotho umnumzana Masimba Kuchera uthi kusobala ukuba uhulumende akazinikelanga ukusiza abantu bakhe bona ababhekane lobunzima ngenxa yesimo somnotho.

“Indaba ye-Social Security angiboni njengani uhulumende ulendaba layo kakhulu. Kumele uhulumende aqakathekise indaba yokuthi abantu basizakale kusikhathi lesi lapho abangakwanisiyo ukuthi baye emsebenzini. ”

Enye njalo ingcwethi kwezomnotho umnumzana Lubani Nondo uthi kunengi uhulumende angakwenza ukuguqula isimo sezomnotho.

“Bekumele sifake enye imali kwamanye ama-sectors especially after i-vaccination. I-tourism yiyo okungathi siyithululela imali ngoba yi-sector okumele ivulwe yona le i-tourism, ilibambe ilizwe. ”

Uhulumende yena uqinisa elokuthi konke kuhamba ngendlela, umnotho uyathuthuka ekhuthaza uzulu ukuba abekezele konke kuzolunga ngokuya kwesikhathi. Kodwa ingcwethi ezicubungula ezomnotho lezombusazwe zithi yizifiso nje alazo uhulumende kukunengi okumele kulungisiswe kwezombusazwe lakunhlelo zezenotho ukuze zifezeke inhlelo zakhe.

Zithi njalo kunje lokhe ethwele nzima uhulumende ukuhlawulela izikhwelede azithatha enhlanganisweni ezikweledisa amazwe womhlaba ezinjengabo World Bank, IMF lamanye amazwe athuthukileyo, okwenza lingafinyeleli ezinye izikwelede.

Isimo sezombusazwe sokungalandelwa kwemithetho, ukwephulwa kwelungelo loluntu, inkohlakalo ngokunye okubikwa sokunyampisa inhliziyo zabangafisa ukuzotshala imali eZimbabwe ngakhoke nxa kungakabi lale inguquko njengelizwe akula okuyiwa khona kwezentuthuko.

Udaba lwesimo sezomnotho eZimbabwe siluphiwa nguMavis Gama
please wait

No media source currently available

0:00 0:03:10 0:00
XS
SM
MD
LG