amalinks wokungena

Breaking News

Abanye Abantu Bathi Sokulamakhomishini Amanengi Angasebenzi Ngemfanelo eZimbabwe


National Peace and Reconciliation Commission, NPRC

Kulabantu abakhala ngokuthi uhulumende weZimbabwe ubumba amakhomishini aamanengi kakhulu angenzi lutho. Bathi lokhu kumele kuguqulwe ngoba amakhomishini la asebenzisa imali kazulu.

Lokhu kuphume emhlanganweni owenziwe yiNational Transitional Justice Working Group ekolitshini lemfundo yaphezulu eye Solusi University. Inhlanganiso le isiyenze imihlangano efanayo endaweni ezitshiyeneyo kwele Zimbabwe elenjongo yokufundisa ukuqakatheka kokudlelana kahle kwabantu.

Omunye wabakhonona ngokuba lamakhomishini amanengi elizweni leZimbabwe angalancedo nguMnu. Burtler Tambo, ingcwethi kwezombusazwe ezimele yodwa.

Sithe sixoxisana kwaba lembuzo eminengi ukuthi amaReport amaCommission awaphumi kuzakuba lokuthula njani nxa kungaboniswana.”

Omunye wabangene izifundo lezi, uMnu. Sidumiso Ndlovu, uthi ufisa ukubakwazi ukuthi ikhomishini yeNational Peace and Reconciliation Commission izakwenzelani uzulu beqeda ukuxoxisana ngokukhumisana umlotha lokunye okufanayo.

“Sifuna ukwazi ukuthi iNPRC izasebenza njani lokuthi impumela yakhona izathiwani, kuzajeziswa abantu kumbe cha.”

Abanye abantu bathi amakhomishini anjenge National Peace and Reconciliation Commission kawaqhubi umsebenzi ngemfanelo. UMnu. Mduduzi Moyo, isakhamuzi sakoBulawayo, uthi kabakwazi ukuthi ikhomishini le yenza njani umsebenzi wayo.

“INPRC sizwa ngayo nje kodwa asiyiboni, asiyanzi injongo yabo lokuthi benzani lalokho abahlose ukukwenza asikwazi.”

Abafundi beSolusi baqhubekele phambili bebuza ukuthi ukungethembeki khona kuzakwenziwani njengoba ilizwe okwamanje selibhekane lokhetho kodwa akukabi ngitsho loyedwa oseyetheswe umlandu wokufumbathiswa wajeziswa.

Udaba Esilethulelwe NguBathabile Masuku
please wait

No media source currently available

0:00 0:02:29 0:00

Facebook Forum

XS
SM
MD
LG