amalinks wokungena

Breaking News

Uzulu Uthukuthele Ngempethu Kumankampani Kahulumende


PSMAS
Udaba lobuhuquluzi kumankampani kahulumende lapho iziphathamandla eziziholisa khona imali esabisayo wona amankampani la edonsa nzima ngenxa yokuswelakala kwemali luqhubeka lusemilonyeni yabanengi njalo abanye bevumelana ledale lephalamende ukuthi abenza ububi lobu kumele babotshwe.

Impethu kumankampani la ziqale ukuphihlika kunkampani yeZBC ngenyanga edluleyo lapho okuvele khona ukuthi umqondisi walumsakazo wayehola inkulungwane zamadola ezingamatshumi amane, $40,000.

Lokhu kwacunula kakhulu inengi lezisebenzi zalinkampani zona ezasezisesikhathi eside zingaholi.

Kumaviki amabili edluleyo kuvele njalo ukuthi umqondisi wePremier Service Medical Aid Society uMnu Cuthbert Dube wayeziholisa imali engange $230,000 yona inkampani le ilezikwelede ezingena kuzigidi.

Iziphathamandla zekhansili yeHarare lazo zibikwa zihola imali esabisayo.

Uhulumende uthi iwofisi kaMongameli Robert Mugabe siqalisile ukukhangelisisa loludaba njalo ifuna wonke amankampani kahulumende aveze uktuhi izihathamandla zawo zihola malini.

Ukuhlaziya loludaba sixhume ingcwethi kwezombusazwe uMnu Nkululeko Sibanda lokhansila weGwanda uMnu Jaston Mazhale. Ababili laba bathi kulihlazo elikhulu okwenzakala kumankampani kahulumende.
XS
SM
MD
LG