WASHINGTON DC —
Izizalwane zeZimbabwe ezinengi zithi lihle inyathelo elithathwa nguhulumende lokufuna ukuxotsha amanye amankampani emba amatshe aligugu amadayimana eMarange angaletheli ilizwe inzuzo.
Uhulumende uthi uzasala lamankampani amabili kuphela eMarange njengoba okwamanje amanengi engamletheli inzuzo loba nje esemba amadayimana nsukuzonke. Ingcwethi zenotho lezombusazwe zithi amankampani azaphoselwa egangeni alakho ukuhambisa uhulumende emthethwandaba.
Kodwa-ke ingcwethi lezi zithi uhulumende ulakho njalo ukungawaniki ama licences wokwemba amadayimana eMarange. Ingcwethi lezi zithi okungahlupha yikukhetha amankampani amabili phakathi kwalawo emba amadayimana khonamanje eManicaland.
Amankampani emba amadayimana agoqela iAnjin Investments, Diamond Mining Company, Gye Nyame, Jinan, Kusena, Marange Resources le Mbada Diamonds.
Umsakazo weStudio Seven awenelisanga ukukhulumisana lomphathintambo wezemigodi uMnu. Walter Chidakwa njengoba kade engaphenduli umakhalekhukhwini wakhe.
UGibbs Duve weStudio Seven uxoxe loMnu. Dumisani Nkomo ingcwethi kwezombusazwe owenhlanganiso yeHarbakukk othi kumele uhulumende aqale ngokuphuma lomthetho okhangelane lezokwemba amadayimana engakaxotshi amanye amankampani eMarange.
Uhulumende uthi uzasala lamankampani amabili kuphela eMarange njengoba okwamanje amanengi engamletheli inzuzo loba nje esemba amadayimana nsukuzonke. Ingcwethi zenotho lezombusazwe zithi amankampani azaphoselwa egangeni alakho ukuhambisa uhulumende emthethwandaba.
Kodwa-ke ingcwethi lezi zithi uhulumende ulakho njalo ukungawaniki ama licences wokwemba amadayimana eMarange. Ingcwethi lezi zithi okungahlupha yikukhetha amankampani amabili phakathi kwalawo emba amadayimana khonamanje eManicaland.
Amankampani emba amadayimana agoqela iAnjin Investments, Diamond Mining Company, Gye Nyame, Jinan, Kusena, Marange Resources le Mbada Diamonds.
Umsakazo weStudio Seven awenelisanga ukukhulumisana lomphathintambo wezemigodi uMnu. Walter Chidakwa njengoba kade engaphenduli umakhalekhukhwini wakhe.
UGibbs Duve weStudio Seven uxoxe loMnu. Dumisani Nkomo ingcwethi kwezombusazwe owenhlanganiso yeHarbakukk othi kumele uhulumende aqale ngokuphuma lomthetho okhangelane lezokwemba amadayimana engakaxotshi amanye amankampani eMarange.
