Uzulu weMelika ngoLwesine uzakuba ekukhefu lokunanza abalwa impi zalelilizwe ezitshiyeneyo eleVeterans Day.
UMongameli Joe Biden kanye leziphathamandla zebutho bakhangelelwe ukwethula imbiko bebonga labo abazinikela ukungena kubutho belwela ilizwe labo.
Lanxa imibuthano isavinjiwe kwezinye indawo ngenxa yeCovid-19, abalwa impi laba bakhangelelwe ukubuthana kwezinye indawo.
Kolunye udaba olwehlukileyo, ikhomithi yephalamende ephenya ukuhlaselwa kwalelidale ngabasekeli bakaMnu Donald Trump ngoZibandlela isinqolonge abalitshumi abasebenza kuhulumende kaTrump ukuthi bazekupha ukufakazi phambi kwayo ngaloludaba.
Abantu laba bagoqela owayengumcebisi kaTrump uMnu Stephen Miller lowayebona ngokwethulwa kwemibiko kuhulumende uKayleigh McEnany.
Abasekeli bakaTrump bahlasela ephalamende bezama ukuvimba uMongameli Biden ukungena embusweni ngemva kokunqoba uTrump.
Ohlaziya ezombusazwe uMnu Difa Dube utshele iStudio 7 ukuthi ababiziweyo laba balakho ukwala ukuyafakaza ephalamende nanku bakhona abanye asebeke benza okufanayo.
