amalinks wokungena

Breaking News

UZuma Uthuma Iqula Lokukhulumisana Lebutho leZimbabwe Ngempilo kaMugabe


Ibutho lidlalela duzane leguma likaMongameli Robert Mugabe.

Umgcinisihlalo weSouthern African Development Community njalo engumongameli weleSouth Africa, uMnu. Jacob Zuma uthi sethumele iqula lakhe eZimbabwe ukuyahlangana loMongameli Robert Mugabe lebutho elihluthune intambo zombuso emadabukakusa ngoLwesithathu.

Iqula likaZuma libalisa umphathintambo wezamabutho lendaba zabalwa impi yenkululeko uNkosazana Nosiviwe Mapisa-Ngqakula lomphathintambo obona ngezomvikela uMnu. Bongani Bongo.

Embikweni awethule kuhola eledluleyo, uZuma uthe njalo emveni kokukhulumisana loMugabe labakhokheli bebutho, izithunywa zakhe zizakuya kwele Angola ukuyakwazisa umgcinisihlalo obona ngendaba zombusazwe kuSADC, uMongameli Joao Lorenco, ngosokwenzakele eZimbabwe.

UZuma ugcizelele inkuthazo ake ayethula njalo ngoLwesithathu ekuseni eyokuthi ibutho kumele lilondoloze ukuthula njalo kube lokukhulumisana phakathi kwalo loMugabe ukuze kulungisiswe lindaba.

Ibutho lithi lithethe intambo zombuso ngenjongo yokubuyisela ilizwe esimeni esihle lapho amalungelo kazulu ahlonitshwa khona lelizwe lalo lithuthuka.

Oyethule amazwi nguMajor General Sibusiso Moyo.

Kubikwa ukuba amabutho atshele uMugabe ukuba angasuki ngekhaya njalo lomkakhe, uNkosikazi Grace Mugabe, ucatshangelwe ukuthi sekwele Namibia labantwabakhe.

Facebook Forum

XS
SM
MD
LG