amalinks wokungena

Breaking News

Bayavota Abantu Kwele Zambia Kukhetho Lokudinga Umongameli Omutsha


Voters queue to cast their ballots during national elections in Lusaka, Zambia, August 12, 2021. REUTERS/Jean Ndaisenga

Bayavota abantu kwele Zambia namuhla, okugqikilana khona obephethe isikhundla sika mongameli uMnu. Edgar Lungu loMnu. Hakainde Hichilema, okubandla elikhulu eliphikisayo.

Inkampani yezindaba eyeReuters ibika ukuba kulabantu abanengi asebevotile kukhetho lolu okukhanya zindala zombili.

Kubikwa ukuba abasakhulayo balakho ukudlala indima ebanzi kukhetho lolu ngoba bakhanya bekhuthele lonyaka ekuvoteni kukhetho lolu.

Kukhangelelwe ukuthi impumela yokhetho lukamongameli izakwethulelwa uzulu ngempelaviki.

ULungu loHachilema batshele intathelizindaba ukuba balethemba lokuthi bazanqoba kukhetho lolu.

Edolobheni leLusaka lapho uHachilema avote khona, kulabantu akade behlabela besithi bafuna kube lenguquko eZambia. ULungu, ovotele elokitshini leChawama eLusaka, wangena esikhundleni sikamongameli ngomnyaka ka2015 kukhetho olulempumela eyaphanyekwa emthethwandaba nguHachilema.

Kukhanya engani ababili laba bangaphinda njalo olunye ukhetho lonyaka njengoba ingcwethi kwezombusazwe zisithi balenani labantu elifanayo elibavotelayo.

IReuters ibika njalo ukuba umnotho welizwe leZambia kawuthuthuki ngemfanelo ngakho-ke umongameli omutsha ukhangelelwe ukuba uzaguqula okwenzakala elizweni.

EleZambia lile zikwelede zakwamanye amazwe ezedlula amabhiliyoni alitshumi lambili – US$12 billion. Inkampani yeS&P Global ithi ilizwe leli lisebenzisa imali efika kusilinganiso sokungamatshumi amane ekhulwini – 40% ukuhlawula izikwelede ezitshiyeneyo, ezigoqela ezakwamanye amazwe.

IReuters incedise ekulobeni udaba lolu

Facebook Forum

XS
SM
MD
LG