amalinks wokungena

Breaking News

Iqembu Lama Warriors Selilungiselela Imidlalo Eqakathekileyo Eyomncintiswano weAfrica Cup of Nations


Abadlali beqembu elimela iZimbabwe emdlalweni wenguqu, elama Warriors abadlala besekhaya bakhangelelwe ukuqala amalungiselelo awokudlala leqembu leBotswana kanye lele Zambia ngoLwesihlanu kusithi abadlala kwamanye amazwe bazabuya mhla zingamatshumi amabili lanye.

Umqondisi weqembu lama Warriors, uWellington Mpandare, uthi basaselalo ithemba elokuba abanye abadlali abadlala phetsheya kolwandle bazabuya ukuzokuba yingxenye yeqembu lama Warriors elizadibana lele Botswana kanye lele Zambia kumkhankaso weAfrica Cup of Nations.

“Amalungiselelo ethu azaqala NgoLwesihlanu mhla zilitshumi lambili lapho abadlali abadlala besekhaya kanye labaqeqetshi abazangena khona enkambeni kodwa kabasoze babuye bonke abadlali abadlala besekhaya abakuluhlu lwabadlali esibabizileyo. Lokhu sikwenza ngoba sisaselethemba elokuba abanye babadlali abadlala phetsheya kolwandle bengacina bebuyile ukuzokuba yingxenye yeqembu lama Warriors.”

Abadlali abadlala emazweni ayingxenye yeUnited Kingdom bayaliswe ukuzodlalela iqembu lama Warriors ngoba inkokheli zeUK zifakwe ilizwe leZimbabwe kuluhlu lwamazwe alengozi enkulu eyokuthola umkhuhlane weCOVID-19.

UMpandare uthi babize abadlali ababalisa uKevin Moyo, uLast Jesi, uPerfect Chikwende kanye loTakudzwa Chimwemwe ukuthi bazothatha indawo zalabo badlali abavinjwe ukuzodlalela iqembu lama Warriors.

UMoyo loChimwemwe badlala elizweni lase Zambia, uJesi ukwele Sudan kuthi uChikwende useTanzania.

Iqembu leZimbabwe likhangelelwe ukusuka kuleli mhla zingamatshumi amambili lane lisiyadlala lele Botswana ngosuku olulandelayo.

Ngemva kwalowomdlalo lizaphenduka kwele Zimbabwe mhla zingamatshumi amabili lesithupha selizolungiselela ukuzodlala lele Zambia mhla zingamatshumi amabili lathoba munwe munye.

Womathathu lawa mazwe akusibaya sika Group H kumkhankaso wokudinga amaqembu azakuyaphatheka kumncintiswano we Afcon ozaqhutshelwa kwele Cameroon ngomnyaka ozayo.

Iqembu le Algeria yilo elincinte kusibaya sika Group H kusithi iZimbabwe, iBotswana kanye le Zambia zilwisa ukuqeda zisendaweni yesibili lazo zithole ilungelo elokuyadlala kwele Cameroon.

Facebook Forum

XS
SM
MD
LG