amalinks wokungena

Breaking News

Wehlukene Uhulumende kaRamaphosa Phezu Kokuthi Luphathwe Njani Udaba lweZimbabwe


FILE - South African President Cyril Ramaphosa visits the coronavirus disease (COVID-19) treatment facilities at the NASREC Expo Centre in Johannesburg, South Africa, April 24, 2020.

Sokuqhamuke ukungavumelani kuhulumende weSouth Africa phezu kwendlela izithunywa zikaMongameli Cyril Ramaphosa eziphethe ngayo udaba lweZimbabwe kuhambo lwazo eHarare ngeviki edlulayo.

Izithunywa lezi, ezazikhokhelwa ngunobhala jikelele webandla elibusayo eleANC uMnu Ace Magashule zaqhuba umhlangano leziphathamandla zeZanu PF zaphuma sezihlabela ingoma ethi akulahlupho oludinga isisombululo esiphuthumayo eZimbabwe (national crisis) lanxa uMagashule ngokwakhe wayekutshilo phambilini kwalumhlangano ukuthi kule-crisis emele ilungisiswe.

Izolo ibandla leSouth African Communist Party, lona elikumanyano obusayo leANC lenhlanganiso yeCosatu, lethule umbiko lisehlukana lamazwi equla likaRamaphosa.

Unobhala jikelele walelibandla, uMnu Blade Nzimande, ongumphathintambo wezemfundo, utshele umsakazo weSabc ukuthi labo abathi akulahlupho eZimbabwe babalekela iqiniso.

UNzimande uthe iCentral Committee yebandla lakhe ihlangene yavumelana ukuthi kulohlupho oludinga ukungenela kweSouth Africa eZimbabwe ngoba inkinga ezikhona ziphazamisa ilizwe lakhe.

Uthe njalo ukugcwala kwezizalwane zeZimbabwe kulelolizwe zidinga impilo engcono ngokwakho kukhomba ukuthi kulodubo lapho ezivela khona.

Ngakho, uNzimande uthe ibandla lakhe lifuna iSadc leAfrican Union zingele kuloludaba.

Iqula likaRamaphosa lona lithi lizabuyela eZimbabwe maduze ukuyahlangana lamabandla aphikisayo.

Ohlaziya ezombusazwe uMnu Effie Dlela Ncube uthi lanxa ewamukela amazwi kaNzimande, kaboni uRamaphosa eguqula indlela aphatha ngayo loludaba.

please wait

No media source currently available

0:00 0:03:29 0:00

Amazwi kaNzimande aza ngemva kokuba isikhulumeli seZanu PF uMnu Patrick Chinamasa etshele intathelizindaba ngoLwesihlanu ukuthi iZimbabwe kayisiso sabelo sakweleSouth Africa.

Wengeze wathi akulalutho eleSouth Africa eliphathisa ngalo eleZimbabwe.

UChinamasa uthi njalo eleZimbabwe lasebenzisa imali enengi ukugcina abantu baseSouth Africa ababebalekile elizweni labo ngesikhathi sombuso woncindezelo.

Ngakho, uthe eleSouth Africa alingeke litshele eleZimbabwe okokwenza kumbe ukungenele kundaba zalo.

Olwela amalungelo oluntu uMnu Mlungisi Dube utshele iStudio 7 ukuthi amazwi kaChinamasa aveza sobala ukuthi ibandla leZanu PF alifuni kukhuzwa.

please wait

No media source currently available

0:00 0:03:12 0:00

Facebook Forum

XS
SM
MD
LG